Articles related to Vedic science, Hindu religion, Mind relaxing, entertainment, Astrology in Tamil, horoscope in Tamil - தமிழில் ஜோதிடம் , ஜாதகக் கணிப்பு, ஆன்மீக வழி காட்டுதல்.

சொர்ணாகர்ஷண கிரிவலம்!!!

| Nov 15, 2013

வாசக நண்பர்களுக்கு வணக்கம். கார்த்திகை மாத மகா தீபத் திருநாளில் அண்ணாமலையில் நீங்கள் இருப்பதற்கு எவ்வளவோ புண்ணியம் செய்து இருக்க வேண்டும். உங்கள் ஜென்ம ஜென்மத்து பாவங்கள், கர்ம வினைகள் அனைத்தும் தீப ஒளியில் பொசுங்கிப் போகும்.  அவ்வளவு கூட்டத்தில் ஒழுங்கா சாமி கூட பார்க்க முடியாதே என்று தோன்றலாம்.  நம்மாலே பார்க்க முடியலன்னா என்ன? அவரு நம்மளைப் பார்த்தா போதாதா என்ன? ஆனால், இந்த ஒரு நாளை யுகம் யுகமாக - நம் முன்னோர்கள் வழிபட சொன்னதில் ஆயிரம் உள்ளர்த்தங்கள் அடங்கி இருக்கலாம். அதனால் கூட்ட நெருக்கடி, வசதிக் குறைவு என்று சில விஷயங்களைப் பெரிது படுத்தாமல் , ஜன சமுத்திரத்தோடு ஐக்கியமாகுங்கள்...! ஒரே ஒரு நொடி தரிசனம் போதும். இந்த முறை ஞாயிற்றுக்கிழமை என்பது இன்னொரு வசதி, இதுக்கு மேலே என்ன வேண்டும் என்று அண்ணாமலையாரே இந்த வருடத்தில் எல்லோருக்கும் ஒரு வாய்ப்பு கொடுப்பது  போல இருக்கிறது...!

வருடத்தில் எந்த நாளில் கிரிவலம் சென்றாலும் சிறப்புதான் என்றாலும், இந்த கார்த்திகை மாதத்தில் இன்னொரு முக்கியமான நாளில் கிரிவலம் செல்வது உங்களுக்கு பல மடங்கு பலன்களை அள்ளித்தரும். மகிழ்ச்சியும், நிம்மதியும் , விரைவான சில நற்பலன்களையும் நிச்சயம் உங்களுக்கு கிடைக்க செய்யும்.
தவற விடக் கூடாத அந்த தினத்தின் கிரிவல மகிமைகளை - நண்பர் வீரமுனி, ஆன்மீக கடலில்  எழுதி இருக்கிறார். ஏற்கனவே படிக்காத நமது வாசகர்கள் தெரிந்து கொள்ளும் பொருட்டு , அதை கீழே பகிர்ந்துள்ளேன். அவசியம் இந்த தினத்தில் கிரிவலம் மேற்கொண்டு  திருவருளையும் - குருவருளையும் பெறுவோம் .......!






கலியுகத்தில் நமது கர்மவினைகளை நீக்கும் சக்தி அன்னதானத்திற்கும்,மந்திரஜபத்திற்கும் மட்டுமே உண்டு என்பதை நமது ஆன்மீக குரு திரு.சகஸ்ரவடுகர் அவர்கள் கண்டறிந்துள்ளார்.அன்னதானம் பற்றி அவர் மேலும் கூறியுள்ளதாவது:
 
நாம் வசிக்கும் ஊரில் ஒரு நாளுக்கு 1,00,000 பேர் வீதம் ஓராண்டு வரை அன்னதானம் செய்தால் எவ்வளவு புண்ணியம் கிடைக்குமோ அதைவிட அதிகமான புண்ணியம் காசிக்குச் சென்று ஒரே ஒரு நாள் மூன்று வேளைகளும் அன்னதானம் செய்தால் கிடைத்துவிடும்.
 
காசிக்குச் சென்று ஒரு நாளுக்கு 1,00,000 பேர் வீதம் ஓராண்டு வரை அன்னதானம் செய்தால் எவ்வளவு புண்ணியம் கிடைக்குமோ அதை விட அதிகமான புண்ணியம் அண்ணாமலையில் ஒரு சாதாரண நாளில் அன்னதானம் செய்தால் கிடைத்துவிடும்.
 
நாம் பிறந்தது முதல் நமது இறுதிநாள் வரையிலும் ஒவ்வொரு நாளும் காசியில் 1,00,00,000 பேர்களுக்கு அன்னதானம் செய்தால் எவ்வளவு புண்ணியம் கிடைக்குமோ அதைவிட அதிகமான புண்ணியம்,துவாதசி திதி வரும் நாளில் அண்ணாமலையில் மூன்று வேளைகளும் ஒருவருக்கு(காலையில் ஒருவர்,மதியம் ஒருவர்,இரவில் ஒருவர்)அன்னதானம் செய்தால் கிடைத்துவிடும். மேலும், மறுபிறவியில்லாத முக்தி துவாதசி அன்னதானம் செய்வதாலேயே கிடைத்துவிடும்.இந்த பேருண்மையை சிவமஹாபுராணத்தில் வித்யாசார சம்ஹிதை தெரிவிக்கிறது.
 
துவாதசி திதியும்,சனிப்பிரதோஷமும் சேர்ந்து வரும் நாளில் நமது ஆன்மீக குருவின் தலைமையில் அன்னதானம் செய்தால் மேலே கூறிய எண்ணிக்கையை விட ஆயிரம் மடங்கு புண்ணியம் நம்மை வந்து சேரும்.இதனால்,கடந்த ஐந்து பிறவிகளில் நாம் செய்த கர்மவினைகளின் தொகுப்பை அனுபவிக்கவே பிறந்திருக்கிறோம்;நமது அனைத்து கர்மவினைகளும் நம்மைவிட்டு முழுசாக நீங்கிட இந்த சொர்ணாகர்ஷண கிரிவலம் ஒரு காரணமாக அமைந்துவிடும்.
 
ஒரே ஒரு சனிப்பிரதோஷம் அன்று அண்ணாமலை கிரிவலம் சென்றால்,ஐந்து வருடங்களுக்கு(365 *5 = 1825 நாட்கள்) தினமும் கிரிவலம் சென்றதற்கான பலன்கள் கிடைக்கும்;மேலும்,சனிப்பிரதோஷ நேரத்தில் பிரதோஷ அபிஷேகத்தில் கலந்து கொண்டு,பிரதோஷ நேரம் நிறைவடைந்த பின்னர் அண்ணாமலையாரை தரிசனம் செய்தால் 1825 நாட்களுக்கு தினமும் அண்ணாமலையாரை தரிசனம் செய்த புண்ணியம் கிடைக்கும் என்பதை சித்தர்களின் தலைவரான கும்பமுனி தனது பாடல்களில் தெரிவிக்கிறார்.
 
சுவாதி நட்சத்திரமும்,சனிப்பிரதோஷமும் சேர்ந்து வருவது பல ஆண்டுகளுக்கு ஒருமுறையே வரும் ஓர் அற்புத நிகழ்வாகும்;அத்துடன் துவாதசி திதியும் சேர்ந்து வருவது சில நூற்றாண்டுகளுக்கு ஒருமுறை வரும்;அதையே சொர்ணாகர்ஷண கிரிவலநாள் என்று அண்ணாமலை ஏடு தெரிவிக்கிறது.இந்த நன்னாளில் நமது குருவுடன் கிரிவலம் செல்பவர்கள் பலத்த பூர்வபுண்ணியம் மிக்கவர்கள் என்றும்,அவர்களின் கர்மவினைகள் மழையில் கரையும் உப்பைப் போல கரைந்து காணாமல் போய்விடும் என்றும் விவரிக்கிறது.
 
30.11.2013 சனிக்கிழமை அன்று துவாதசி திதியும், சனிப்பிரதோஷமும், சுவாதி நட்சத்திரமும் சேர்ந்து இப்பேர்ப்பட்ட பெருமைகளுடன் வர இருக்கிறது.இந்த நன்னாளில்,காலை 7 மணிக்கு நமது ஆன்மீககுரு சகஸ்ரவடுகர் அவர்கள் தலைமையில் இரட்டைப்பிள்ளையார் கோவிலில் சொர்ணாகர்ஷண கிரிவலப் பயணம் புறப்படுவோம்;பிங்க்  நிற ஆடை அணிந்திருப்பது அவசியம்;அவ்வாறு புறப்படும்போது,ஐந்து கிலோ நவதானியங்களையும்,ஒரு கிலோ டயமண்டு கல்கண்டையும்,அன்னதானத்தின் நவீன வடிவமாகிய இட்லிகள் நிரம்பிய பார்சல்களை உடன் கொண்டு புறப்படுவோம்;
 
கிரிவலப் பயணத்தின் போது ஓம் அண்ணாமலையே போற்றி என்றோ அல்லது ஓம் அருணாச்சலாய நமஹ என்றோ ஜபித்துக் கொண்டே செல்வோம்;ஏனெனில்,ஒரே ஒருமுறை ஓம் அண்ணாமலையே போற்றி என்றோ அல்லது ஓம் அருணாச்சலாய நமஹ என்றோ ஜபித்தாலே 3,00,000 தடவை ஓம் நமச்சிவாய என்று ஜபித்தமைக்கான பலன்கள் கிட்டும் என்று அண்ணாமலையாரே உபதேசித்திருக்கிறார். எனவே,இதைத்தவிர, வேறு எந்த வீண்பேச்சும் பேசாமல் கிரிவலம் செல்வோம்; கிரிவலப்பயணத்தின் போது இட்லி தானம் செய்வோம்;நாம் கொண்டு செல்லும் ஐந்து கிலோ நவதானியங்களையும் நமது கைகளால் கிரிவலப்பாதையின் ஓரங்களில் தூவுவோம்;தற்போது மழைக்காலமாக இருப்பதால் நம்மால் தூவப்பட்ட நவதானியங்கள் விரைவில் செடிகளாக வளரத் துவங்கும்;அவ்வாறு வளரத்துவங்கியதும்,நமது அனைத்து கிரக தோஷங்களும் நம்மை விட்டு நீங்கிவிடும்;
 
நாம் கொண்டு வரும் டயமண்டு கல்கண்டுகளை கிரிவலப் பாதையில் தூவுவோம்;ஒரே ஒரு டயமண்டு கல்கண்டை ஒரே ஒரு எறும்பு எடுத்துச் சென்றாலே நாம் நூறு அந்தணர்களுக்கு தொடர்ச்சியாக மூன்று ஆண்டுகளுக்கு அன்னதானம் செய்த பலன் நமக்குக் கிட்டும்;இதனால்,சனியின் தாக்கம் நம்மை விட்டு முழுமையாக நீங்கிவிடும் என்பது நமது ஆன்மீக குரு திரு.சகஸ்ரவடுகர் அவர்களின் ஆன்மீக ஆராய்ச்சி முடிவு!
 
மதியம் 2 மணிக்குள் கிரிவலம் நிறைவடைந்த பின்னர்,மாலையில் நடைபெற இருக்கும் சனிப்பிரதோஷ அபிஷேகத்தில் கலந்து கொள்வோம்;இரவு பள்ளியறை பூஜை வரையிலும் அண்ணாமலையாரின் ஆலயத்தினுள் இருந்தாலே நமது நியாயமான கோரிக்கைகளும்,வேண்டுதல்களும் நிறைவேறத் துவங்கும்;பல ஆண்டுகளாக நமக்கு இருந்துவரும் கர்மவினைகளும்,சிரமங்களும் முழுமையாக விலகிவிடும்.பள்ளியறை பூஜை நிறைவடைந்ததுமே நேராக (வேறு எந்த கோவிலுக்கும் செல்லாமலும்,யார் வீட்டிற்கும் செல்லாமலும்) நமது சொந்த ஊருக்குத் திரும்புவோம்;
 
இதன் மூலமாக சொர்ணாகர்ஷண கிரிவலத்தின் பலன்கள் அடுத்த சில நாட்களில் நம்மை வந்து சேரும்;சிலருக்கு சில வாரங்களுக்குள் வந்து சேரும்.
 
ஓம் அருணாச்சலாய நமஹ!!!
ஓம் அண்ணாமலையே போற்றி!!!
 
பின்குறிப்பு:சொர்ணாகர்ஷண கிரிவலத்தில் கலந்து கொள்ள விரும்புவோர் முதல் நாள் 29.11.13 வெள்ளிக்கிழமை மாலை நேரத்திலேயே அண்ணாமலையை வந்தடைவது நன்று.அண்ணாமலை முழுவதும் தங்கும் விடுதிகளும்,மடங்களும்,உணவகத்துடன் கூடிய தங்கும் லாட்ஜ்களும் இருக்கின்றன.
 
ஓம் ஹ்ரீம் மஹாபைரவாய நமஹ

புண்ணியம் சேர்க்கிறதில என்ன சார் பிரயோஜனம்.?

| Nov 5, 2013
அன்பு நண்பர்களுக்குமீண்டும் ஒருமுறை  இனிய தீபாவளி நல்வாழ்த்துக்கள்!

யாகத்தில் சங்கல்பம் செய்வதற்காக வந்திருந்த கோரிக்கைகளையும், யாகத்திற்கு நமது வாசகர்கள் அளித்துள்ள நன்கொடையையும் -(நவம்பர் 1ஆம் தேதி வரை வந்தவற்றை) , ஐயா அவர்களிடம் சேர்ப்பித்து விட்டேன். அதன்பிறகு வந்த மெயில் கோரிக்கைகளையும், சிலர் நேற்றைய தேதியில் நன்கொடை அனுப்பித்து இருந்தனர் - அவற்றையும் இந்த வார ஞாயிற்று கிழமைக்குள் சேர்த்துவிடுகிறேன். இதன்பிறகு நன்கொடை அனுப்புபவர்கள் , தயவு செய்து அனுப்ப வேண்டாம். அவற்றை ஐயா அவர்களிடம் சேர்ப்பதில் எனக்கு கொஞ்சம் சிரமம். நீங்கள் அனுப்பும் நன்கொடை இங்கு முக்கியமில்லை.பணத்தை விட ஆத்மார்த்தமான பக்தி இருந்தால் போதும்.
கோரிக்கைகளை அனுப்பத் தவறியவர்கள் மட்டும், இந்த வார சனிக்கிழமைக்குள் அனுப்பி வைக்கவும். கண்டிப்பாக லிஸ்ட்டில் இணைக்கப்படும்.


Rush your mail request by 9th Nov. It's a rare chance & who knows we will get a chance again for next year....

சென்ற முறை யாகத்தில் கலந்துகொண்டு பயன் பெற்றவர்கள் , சிலர் தங்கள் பரவச அனுபவத்தை, நீண்ட நாள் வேண்டுதல் சில மாதங்களிலேயே நிறைவேறிய அதிசயத்தை பகிர்ந்துகொண்டனர். அவர்களுக்கு மீண்டும் ஒருமுறை நன்றி...!
கோரிக்கைகள் அனுப்பிய அனைவருக்கும் நானும் தனிப்பட்ட முறையில், மனப்பூர்வமாக அண்ணாமலையாரை பிரார்த்திக்க விருக்கிறேன்..!
நம்பிக்கையுடன் இருங்கள்.... உங்கள் நியாயமான கோரிக்கைகள் நிச்சயம் நிறைவேறும்.

=================================================

NIFTY TRADING சம்பந்தப்பட்ட தகவல்களை , தனியே ஒரு ப்ளாக் தொடங்கி,  அங்கே அவற்றை பதிவிட முடிவு செய்துள்ளேன். நமது இந்த தளத்தில் TRADING சம்பந்தப்பட்ட தகவல்கள் இனிமேல் வராது. நமது நீண்ட நாள் ஆன்மீக வாசகர்களுக்கு இடையூறாக இருக்கவேண்டாம் என நினைக்கிறேன்.

BLOG ஆரம்பிக்கும் வரை - E Mail - மூலம் தகவல்கள் பரிமாறிக்கொள்ளப்படும். தகவல்கள் தேவைப்படுவோர், உங்கள் மின்னஞ்சலிலிருந்து ( editor@livingextra.com   ) என்கிற முகவரிக்கு  TEST MAIL அனுப்பவும். சப்ஜெக்ட் இல் TRADING TIPS என எழுதி அனுப்பவும்...உங்கள் மின்னஞ்சல் முகவரி , குரூப் மெயிலில் இணைக்கப்பட்டு தொடர்ந்து தகவல்கள் உங்கள் ID க்கு அனுப்பப்படும்.
================================================

சமீபத்தில் ஒரு வாரமலர் பகுதியில் ஒரு அருமையான தகவல் படிக்க வாய்ப்பு கிடைத்தது.  திரு.வைரம் ராஜகோபால் அவர்கள் எழுதிய கட்டுரை. இதைப்போன்ற பல கருத்துக்கள் நாம் படித்து , மறந்தும் இருப்போம்.. ....
மீண்டும் ஒருமுறை நம் நெஞ்சத்தில் பதிந்து கொள்ள, நம் வாசகர்களுக்காக இங்கே பதிவிடுகிறேன்..! படித்துப் பயன் பெறுங்கள்!


எல்லாரும் சுகமாக இருக்க வேண்டும் என்று தான் விரும்புகிறார் பகவான்; ஆனால், எல்லாருமே சுகமாக இருக்க முடிவதில்லை. காரணம், அவரவர் கர்மவினைகளுக்குத் தகுந்தபடி தான், வாழ்க்கை அமைகிறது. பூர்வ புண்ணியம் இருந்தால், செல்வம், சுக போகங்களை இந்த ஜென்மாவில் அனுபவிக்கலாம். புண்ணியம் இல்லாவிடில், சிரமப்பட வேண்டியது தான்; பணக்காரனை பார்த்து, பெருமூச்சு விட வேண்டியது தான்.

ஆயிரம் பேருக்கு, இலவசமாக சாப்பாடு போடுவதை, "சகஸ்ர போஜனம்' என்பர். ஆயிரத்துக்கும் அதிகமானால் பரவாயில்லை; குறையக் கூடாது. சாப்பாடு என்றால் ஏதோ, "போட்டதை சாப்பிட்டு விட்டு போ...' என்பது மாதிரியல்ல; வயிறு நிறைய சாப்பாடு. பல வித பதார்த்தங்கள், லட்டு, ஜிலேபி, பாயசம், அக்காரவடிசல்... இப்படி ஏகப்பட்ட அயிட்டம், சகஸ்ர போஜனத்தில் உண்டு.


எல்லாரும் சந்தோஷமாக சாப்பிட வருகின்றனர். அதில், ஒருவனுக்கு வயிற்று வலி. ஒரு உருண்டை சாம்பார் சாதம் உள்ளே போனாலே, வயிற்று வலி வந்து விடும். இவனால் எப்படி நன்றாக சாப்பிட முடியும்? மற்றொருவனுக்கு சர்க்கரை வியாதி. இவனால் லட்டு, ஜிலேபி, பாயசம் எதையும் சாப்பிட முடியாது. இவனாலும் ஆசை தீர, வயிறு நிறைய சாப்பிட முடியாது.


அடுத்தவன், உடல் நலமில்லாதவன். நாட்டு மருந்து சாப்பிடுகிறான். பூசணிக்காய், பாகற்காய், மாங்காய், வாயு பதார்த்தங்களை, சாப்பிடக் கூடாது என்பது, வைத்தியரின் உத்தரவு. இவனாலும், திருப்தியாக சாப்பிட முடியாது.


"எல்லாரும், வேண்டியதைக் கேட்டு, திருப்தியாக சாப்பிடுங்கள்' என்றார் சாப்பாடு போடும் அன்பர். ஆனால், அப்படி சாப்பிட முடியாதவர்களும் இருக்கின்றனரல்லவா... இதைப் போலத் தான் பகவான், எல்லாரும் சுகமாக இருக்க வேண்டும் என்று விரும்பி, அதற்கான சந்தர்ப்பத்தை ஏற்படுத்திக் கொடுத்தாலும், இவர்களுடைய தீவினை காரணமாக, சுகத்தைப் பெற முடிவதில்லை. இதற்கு, பகவான் என்ன செய்ய முடியும்?


போனது போகட்டும்... இந்த ஜென்மாவிலாவது, நல்ல காரியங்களை செய்து, புண்ணியத்தை தேடிக் கொள். அடுத்த பிறவியிலாவது செல்வச் செழிப்புடன் சுகமாக இருக்கலாம், என்கின்றனர் தவசீலர்கள். ஆனால், நம்மில் பலருக்கு, பணம் தான் கண்ணுக்குத் தெரிகிறது; புண்ணியம் தெரிவதில்லை. அதனால், கண்ணுக்குத் தெரிந்த பணத்தின் மீது ஆசை!


சேர்த்து சேர்த்து வைத்து, எண்ணி எண்ணி பார்த்து, சந்தோஷப்படுகிறான். புண்ணியத்தை தேடிக் கொள் என்றால்,"போங்க சார்... புண்ணியத்தை எவன் கண்டான்...' என்கின்றனர். ஆனால், கண்ணுக்குத் தெரியாத புண்ணியம் தான் பரலோகத்திலும், அடுத்த பிறவியிலும், கை தூக்கி விடும் என்பதை, புரிந்து கொள்வதில்லை.........


நன்றி: தினமலர் - வாரமலர் Oct 13,2013.

ShareThis

Do Join hands to make a bright and better world

Your comments and queries can be addressed to editor@livingextra.com

Disclaimer & Privacy Policy

Some images contained in this blog have been obtained from the reference sites on the internet. If anyhow, by any of them is offensive to you, please, contact us asking for the removal. If you own copyrights over any of them and do not agree with it being shown here, please send us an email with ownership proof and we will remove it.email us to editor@livingextra.com