Articles related to Vedic science, Hindu religion, Mind relaxing, entertainment, Astrology in Tamil, horoscope in Tamil - தமிழில் ஜோதிடம் , ஜாதகக் கணிப்பு, ஆன்மீக வழி காட்டுதல்.

Sri Agasthiya Nama jebam - மகா குரு அகஸ்தியரின் நாம ஜெபம் ( லிகித ஜெபம்)

| Jun 19, 2012
நமது கஷ்டங்களுக்குத் தீர்வு கிடைக்காதா என்று ஏங்குபவர்களுக்கு, மிகப் பெரும் அருமருந்தாக இருப்பது இறைவனின் நாம ஜெபம். இதே மாதிரி லிகித ஜெபம் என்று ஒன்றும் இருக்கிறது. பேப்பரில், பழைய டைரியில் , நோட்டுப் புத்தகங்களில் இறை நாமத்தை எழுதுவார்களே அதைத் தான் லிகித ஜெபம் என்று கூறுகிறார்கள். எனக்குத் தெரிந்த சில பிராமண குடும்பங்களில் வயதான அனைவரும், ஒரு நாளின் குறிப்பிட்ட நேரத்தை இதற்கெனவே ஒதுக்கி இடைவிடாமல் எழுதுகிறார்கள். இதனால் கிடைக்கும் சக்தி அபரிமிதமானது. அப்படி எழுதும் குடும்பங்கள் அனைத்திலும், பரிபூரண குடும்ப அமைதி நிலவுகிறது. அந்த குடும்ப வாரிசுகள் அனைவரும், இன்று நல்ல வேலையில், மகிழ்ச்சியுடன் இருக்கின்றனர். காலம் கெட்டுக் கிடக்கும் சூழலில், ஒரு மனிதன் தவறான பாதைக்கு செல்ல நிமிஷ நேரம் போதும். அவ்வாறு செல்ல விடாமல் , இறையருள் தடுத்தாட்கொள்ள - இந்த லிகித ஜெபம் நிச்சயம் உதவும். 

மேலும், மனம் ஒன்றி எழுத எழுத - இறை சிந்தனை மேலோங்கும். நம்மை அறியாமலே , நாம் அந்த இறைவனின் நேரடிப் பார்வைக்கு உட்படுகிறோம்.
என்னுடைய சின்ன வயதில், என்னுடைய தகுதிக்கு கிடைக்கவேண்டிய சில அரிய வாய்ப்புக்களை ஸ்ரீ ராம ஜெயம் எழுதி சாதித்தேன். நடக்க வாய்ப்பே இல்லை என்று நினைத்த விஷயங்கள் கூட, ஒரு அதிசயம் போல நடந்த சம்பவங்களும் உண்டு. அப்படி மகத்தான வல்லமை இந்த லிகித ஜெபத்திற்கு உண்டு.

அந்த காலத்தில் ஆலயங்களுக்கு மூலவரை ஸ்தாபிக்கும்போது, எந்திரத் தகடுகளில் சில மந்திரங்களை எழுதி, அந்த மூலவருக்கு உரிய மூல மந்திரங்களை எழுதி ஸ்தாபனம் செய்வார்கள். விண்ணில் நிறைந்து இருக்கும் சக்தியை கும்பம் மூலம் ஆகர்ஷித்து , அதை உள் வாங்கி, தீப வழிபாட்டின்போது அதை வழிபடுபவர்களுக்கு கிடைக்க செய்வதில், இந்த மந்திரங்களுக்கு பெரும் பங்கு உண்டு.

இதைப் போன்ற மிக அரிதான வாய்ப்பு, ஒன்று நம்மைத் தேடி வந்து இருக்கிறது. விரைவில் ஸ்தாபனம் செய்யப்பட விருக்கும், மகான் ஒருவரின் சித்த ஜீவ சமாதிக்கு - சித்தர்களின் தலையாய சித்தரான , ஸ்ரீ மஹா குரு அகஸ்தியரின் லிகித நாம ஜெபம் தேவைப் படுகிறது.

நீங்கள் எழுத வேண்டிய மந்திரம் " ஸ்ரீ அகஸ்தியாய நம"

அகஸ்தியரின் அருளைப் பற்றி சொல்லித் தெரியவேண்டியதில்லை. நாம் யார், நமது முந்தைய பிறவிகளின் பாவ புண்ணியங்கள் , நாம் இந்த பிறவியில் எந்த நிலையில் இருக்கிறோம் , என்ன செய்ய விருக்கிறோம், அடுத்த பிறவியில் நம் நிலை என்ன என்பதை , முற்றும் அறிந்த மகா ஞானி அகஸ்தியப் பெருமான். அகஸ்திய தரிசனம் ஒன்று போதும். ஒரு கணப் பொழுதில் நம் கர்மங்கள் அனைத்தும் தொலைந்து போகும். நம் வாழ்வில் சிகரம் தொடும் அளவுக்கு சாதனைகள் செய்ய இயலும். நம்பி இந்த காரியத்தில் ஈடுபடுங்கள்.

நோட்டுப் புத்தகத்தில், அல்லது வெள்ளைப் பேப்பர்களில், " ஸ்ரீ அகஸ்தியாய நம"  என்று நீலம் அல்லது பச்சை மையினால் , தங்களால் எவ்வளவு முடியுமோ, அவ்வளவு எழுதி - கீழே கொடுக்கப்பட்டுள்ள முகவரியில் அக்டோபர் முதல் வாரத்திற்குள் வந்தடையுமாறு, எழுதி அனுப்புங்கள். ஒவ்வொரு முறை எழுதத் தொடங்கும்போதும், உங்கள் குல தெய்வத்தை ஒரு முறை வேண்டிக்கொண்டு , பின்பு மனதிற்குள் உங்கள் நிறைவேற வேண்டிய கோரிக்கை (களை) மனதிற்குள் சங்கல்பம் செய்து கொண்டு, உலக ஷேமத்திற்காகவும் வேண்டி  எழுதுங்கள்.

குளித்து முடித்து, சுத்தமான உடை அணிந்து, வீட்டில் பூஜை அறையில் விளக்கு ஏற்றி - குல தெய்வத்தை ஒருமுறை மனதில் வேண்டி - ஓம் ------------------ போற்றி! என்று வேண்டிக்கொண்டு - அர்ச்சனைக்கு சொல்வோமே அப்படி, குலம் / கோத்திரம் , பெயர், நட்சத்திரம் சொல்லிவிட்டு - உங்கள் அவசியமான கோரிக்கைகளை வேண்டிக்கொண்டு - கடன் தொல்லை தீர, வீடு கட்ட, கார் வாங்க, திருமணம் நிறைவேற, குழந்தை பாக்கியம் கிடைக்க, நிம்மதியான வாழ்வு கிடைக்க, குழந்தைகளின் வளமான எதிர்காலத்திற்கு, உடல் நலம் வேண்டி இப்படி உங்களை வருத்திக்கொண்டு இருக்கும் கோரிக்கைகளை மனதிற்குள் வேண்டி, அகஸ்திய பெருமானை நல் வழி காட்டுமாறு பிரார்த்தனை செய்துகொண்டு எழுதத் தொடங்குங்கள்...!

அதன் பிறகு நடக்கும் அற்புதத்தை பாருங்கள்..! எழுதத் தொடங்கிய சில நாட்களிலேயே அந்த அதிசயம் கண்டிப்பாக நிகழும்.

நீங்கள் லிகித நாம ஜெபம் எழுதி அனுப்ப வேண்டிய முகவரி :

Mr. K.MURALIDHARAN,
TOTAL OIL INDIA (P) LTD
3, Bharathi Park Cross Road - 2,
Saibaba colony, Coimbatore - 11
Cell : 99949 74557 / 97903 73973

அந்த அகஸ்திய மகரிஷியே திருவுளம் கொண்டு , இந்த அரும்பெரும் வாய்ப்பை நல்கியதாகவே நான் கருதுகிறேன். உங்களுக்கும் இதே போன்ற எண்ணம் தோன்றுமேயானால், அவசியம் நீங்களும் இந்த வாய்ப்பை பயன்படுத்திக் கொள்ளுங்கள். நேரமோ அல்லது பொருள் விரையமோ என்று நினைக்க வேண்டாம். உங்கள் சந்ததிக்கே நீங்கள் சேர்க்கும் சொத்து இது என்று நம்பி செயல் பட்டு, அகஸ்திய மகரிஷியின் அருளுக்குப் பாத்திரமாகுங்கள்.

இந்த தகவலை தகுதி வாய்ந்த உங்கள் உறவினர் / நட்பு வட்டத்திற்கும் தெரியப்படுத்துங்கள். Facebook / Twitter என்று உங்களால் முடிந்தவரைக்கும் பகிர்ந்து கொள்ளுங்கள். யார் யாருக்கெல்லாம் ப்ராப்தம் இருக்கிறதோ, அவர்கள் அனைவருக்கும் இந்த தகவல் பயன் தரட்டும்.

இந்த அரும்பெரும் பணியில் ஈடுபட்டு இருக்கும், சகோதரர் முரளிக்கு வாழ்த்துக்களும்,  இந்த வாய்ப்பை நமக்குத் தந்ததற்காக நன்றிகளும்..!
கீழே இது சம்பந்தப்பட்ட அறிக்கையை இணைத்துள்ளேன். படத்தில், ரைட் க்ளிக் செய்து, வியூ இமேஜ் க்ளிக் செய்யுங்கள். அதன் பிறகு, கர்சரை படத்தில் க்ளிக் செய்ய படம் பெரிதாகத் தெரியும்.

வாழ்க அறமுடன்! வளர்க அருளுடன்!


தாரித்ர்ய தஹன சிவ ஸ்தோத்ரம் (கடன் நிவாரண ஸ்தோத்ரம்)

|
இன்பமும் துன்பமும் இணைந்ததுதான் வாழ்க்கை. நிதானமாக திட மனத்துடன் முயற்சிகளைத் தொடர்ந்தால் நிச்சயம் நிம்மதியான வாழ்வு கிடைக்கும். இருந்தாலும் செய்த தவறுகளுக்கு உரிய தண்டனை எந்த ஒரு மனிதருக்கும் ஏழரை சனி, அஷ்டமச் சனி காலத்தில் நடந்து விடுகிறது. கடவுள் நம்பிக்கையே இல்லாதவர்களுக்குக்  கூட, சனி பகவான் பெயரைக் கேட்டாலே , கொஞ்சம் உள்ளுக்குள் கிலி ஏற்படத்தான் செய்கிறது. ரொம்ப நல்லவன் என்று இருப்பவர்களுக்கு உத்தியோக ரீதியாக அலைச்சல், ஸ்திரமின்மை, கடுமையான கடன் பிரச்னையோடு நின்று விடுகிறது. ஆட்டம் அதிகமாக ஆடியவர்களுக்கு - அடி செமத்தியாக விழுகிறது. கூடி இருந்த எந்த உறவும் உடன் இல்லாமல், ஆதரவு கிடைக்காமல் நாம் அனாதையோ என்கிற எண்ணம் தோன்றும் அளவுக்கு - ஒரு பரிபூரண பக்குவம் கிடைக்க வைப்பதில் சனிபகவானுக்கு நிகர் அவரே தான்.

நமக்கும் மேலே ஒரு சக்தி இருக்கிறது, ஆண்டவன் என்று சொல்கிறோமே அவர் உண்மை என்பதை நிரூபித்துக் கொண்டு இருப்பவர்கள் - நவ கிரகங்கள்.
இதில் சனியின் பாதிப்பினால் - கண்டிப்பாக நடக்கும் ஒரு விஷயம் கடன் தொல்லை.... கிட்டத் தட்ட பத்து வருடங்களுக்குக் குறையாமல் கடனில் மூழ்க வைத்து, பணம் மேல் ஒரு வெறுப்பும், மரியாதையும் , பயமும் தோன்ற வைத்து விடுவார்..... !

ஐயா மிஸ்டிக் செல்வம் அவர்கள் தீவிர ஆராய்ச்சிக்குப் பிறகு, கூறிய உண்மை - சனி பாதிப்பு இருப்பவர்கள் வேறு எந்த தெய்வத்தையும் வணங்குவதையும் விட - பைரவரை வணங்கினால் மட்டுமே அவர்கள் பாதிப்பு நீங்கும் என்று கூறுகிறார். குறிப்பாக சொர்ண ஆகர்ஷன பைரவரை வணங்கினால் கடன் வருவதற்குப் பதிலாக குபேர சம்பத்து கிடைக்கும் என்று உறுதியாக கூறுகிறார். 

நமது பழைய பதிவுகளில் சனி பகவானுக்கு உரிய பரிகாரங்கள் பற்றி நிறையவே எழுதி இருக்கிறோம். குறிப்பாக வன்னி மரத்தடி விநாயகருக்கு பச்சரிசி மாவை அல்லது பச்சரிசியை அவரை சுற்றிலும் தூவி வருவது. எறும்புகள் அதை எவ்வளவு காலம் வரை பத்திரமாக எடுத்து வைத்து இருக்கிறதோ, அத்தனை காலம் தேவர்களின் ஆசி நமக்கு தொடர்ந்து கிடைக்கும். இதனால் நேரடியாக பலன் பெற்றவர்கள் ஏராளம். விரிவான தகவல்களுக்கு நமது பழைய கட்டுரையை பாருங்கள்.

அதே அளவுக்கு மகத்துவம் வாய்ந்த அற்புதமான பரிகாரங்களை இன்று பார்க்க விருக்கிறோம்..! பிரச்னைகள் தீரவே தீராதா என்று ஏங்கிக் கொண்டு இருப்பவர்களுக்கு அது ஒரு அருமையான வாய்ப்பாக அமையும் என்று கருதி, நம் வாசகர்களிடம் பகிர்ந்து கொள்கிறேன். படித்துப் பயன் பெறுங்கள்.

வாழ்க அறமுடன் ! வளர்க அருளுடன்!

சனி பகவான் ஸ்தோத்திரப் பிரியர். சனி தோஷம் நீங்க சனிக் கிழமைகள்தோறும் விரதமிருந்து, சனி பகவான் சந்நதியில் இரண்டு அகல் விளக்குகளில் நல்லெண்ணெய் ஊற்றி தீபமிட்டு, எள்ளன்னம் நைவேத்யம் படைத்து, மனமுருக, சனி கவசம், சனிஸ்வர அஷ்டோத்ரம் பாராயணம் செய்திடலாம். முடிந்தவரை ஏழைகளுக்கு எள்ளன்னம், கருப்பு வஸ்திரங்களை தட்சணையுடன் தானம் தரலாம்.

இவ் வழிபாட்டை திருநள்ளாறு சென்று நள தீர்த்தத்தில் நீராடி செய்வது மிகச் சிறந்த பலன்களை தரும். திருநள்ளாற்று தர்பாரண்யேஸ்வரரையும், அம்பாளையும், சனி பகவானையும் வழிபடுவது சனி தோஷம் தீர்க்கும்.

கறந்த பசும் பாலினைக் கொண்டு சிவ பெருமானுக்கு அபிஷேகம் செய்வதும், சனிக் கிழமைகளில் சிவனை வில்வம் கொண்டு அர்ச்சித்து, விளக்கேற்றி வழிபடுவதும் சிறப்பு. பிரதோஷ வழிபாடு மிக நன்று. சிவ புராணம், பஞ்சாட்சரம், சுதர்சன மூல மந்திரம், சுதர்சன அஷ்டகம் போன்றவற்றை பாராயணம் செய்வதும், சிறந்த பலன்களை கொடுக்கும்.

விநாயக பெருமானை வழிபடுவதும், ஆஞ்சனேயரை சனிக் கிழமைகளில்    துளசி மாலை அல்லது வடை மாலை அணிவித்து, அர்ச்சித்து 27 முறை வலம் வருவதும் அஷ்டமச் சனி தோஷ நிவர்த்தி தரும். காக்கைக்கு தினந்தோறும் அன்னம் இடுவதும், உளுந்து தானியத்தை தானம் செய்வதும், கோவில்களில் நவக்கிரகங்களை 9 முறை வலம் வந்து வணங்குவதும், நீலக் கல் அணிந்த மோதிரத்தை அணிந்து கொள்வதும், சனிக் கிழமை அதிகாலை வேளைகளில் சுந்தர காண்டம் பாராயணம் செய்வதும் ஏழரைச் சனியின் தோஷம் குறைக்கும்.

சனி தோஷத்தினால் துன்பங்கள் அதிகமாகும் நேரங்களில், கருப்பு தோல் அகற்றாத முழு உளுந்து தானியத்தை 108 என்ற எண்ணிகையில், இரவு தலையணை அடியில் வைத்து உறங்கி, பின்னர் காலையில் எழுந்து நீராடி, சனி பகவானை 108 முறை வலம் வந்து, ஒவ்வொரு வலம் முடிந்தவுடனும் ஒரு உளுந்தை தரையில் இட வேண்டும். உளுந்து தானியம் தானம் சனி பகானின் நல்லாசி கிடைத்திட அருளும்.

தசரத மஹாராஜா அருளிய, சிவனை போற்றும் "தாரித்ரிய தஹன ஸ்தோத்திரம்" பாராயணம் செய்வதன் மூலம் சனி தோஷத்தால் உண்டான பணக் கஷ்டங்கள் அனைத்தும் தீர்ந்து சனி பகவானின் கடாட்சம் கிடைக்கும்.

தாரித்ர்ய தஹன சிவ ஸ்தோத்ரம் (கடன் நிவாரண ஸ்தோத்ரம்)



1. விச்வேச்வராய நரகார்ணவ தாரணாய
கர்ணாம்ருதாய சசிசேகர தாரணாய
கர்பூரகாந்தி தவளாய ஜடாதராய
தாரித்ரிய துக்க தஹணாய நமசிவாய

2. கௌரீ ப்ரியாய ரஜனீச கலாதராய
காலாந்தகாய புஜகாதிப கங்கணாய
கங்காதராய கஜராஜ விமர்தனாய
தாரித்ரிய துக்க தஹனாய நமசிவாய

3. பக்தி ப்ரியாய பவரோக பயாபஹாய
உக்ரராய துர்க பவஸாகர தாரணாய
ஜ்யோதிர்மயாய குணநாம ஸீந்ருத்யகாய
தாரித்ரிய துக்க தஹனாய நமசிவாய

4. சர்மாம்பராய ஸவபஸ்ம விலேபனாய
பாலேக்ஷனாய பணிகுண்டல மண்டிதாய
மஞ்சீர பாத யுகளாய ஜடாதராய
தாரித்ரிய துர்க்க தஹனாய நமச்சிவாய

5. பஞ்சானனாய பணிராஜ விபூஷணாய
ஹேமாம் சுகாய புவனத்ரய மண்டிதாய
ஆனந்த பூமிவரதாய தமோமயாய
தாரித்ரிய துக்க தஹனாய நமசிவாய

6. கெளரி விலாஸ புவனாய, மஹேஷ்வராய
பஞ்சானனாய சரணாகத கல்பகாய
ஷர்வாய, சர்வ ஜகதா மதிபாய - தஸ்மை
தாரித்ரிய துக்க தஹனாய நமசிவாய

7. பானுப்ரியாய பவஸாகர தாரணாய
காலாந்தகாய கமலாஸன பூஜிதாய
நேத்ர த்ரயாய சுபலக்ஷண லக்ஷிதாய
தாரித்ரிய துக்க தஹனாய நமசிவாய


8. ராமப்ரியாய ரகுநாத வரப்ரதாய
நாகப்ரியாய நரகார்ணவ தாரணாய
புண்யேஷு புண்யபரிதாய ஸுரார்ச்சிதாய
தாரித்ரிய துக்க தஹனாய நமசிவாய

9. முக்தேச்வராய பலதாய கணேச்வராய
கீதப்ரியாய வ்ருஷபேச்வர வாஹனாய
மாதங்க சர்மவஸனாய மஹேச்வராய
தாரித்ரிய துக்க தஹனாய நமசிவாய

வசிஷ்டேன க்ருதம் ஸ்தோத்ரம்
சர்வ தாரித்ரிய நாசனம்
சர்வ சம்பத்கரம் ஷீக்ரம்
புத்ர பெளத்ராபி வர்தனம்

சனீஸ்வர பகவானால் ஏற்படும் புத்திர தோஷம் நீங்கிட, தசரத சக்கரவர்த்தி நமக்கு அருளிய " புத்திர ப்ராப்தி ஸ்தோத்திரத்தினை " பாராயணம் செய்திடலாம்.

ஸ்ரீ கணேசாய நமஹ

அஸ்ய ஸ்ரீ சனைச்சர ஸ்தோத்திர மந்த்ரஸ்ய

தசரதரிஷி : சனைச்சர தேவதா

த்ரிஷ்டுப் சந்த : சனைச்சர

ப்ர்த்யர்த்தே ஜபே வினியோக

தசரத உவாச :

1. கோணோந்த்தகோ ரௌத்ரயமோநத பப்ரு:

க்க்ஷ்ருண : சநி : பிங்களமந்தஸெளரி

நித்யம் ஸம்ரு தோமு யோ ஹராதக பீடாம்

தஸ்மை நம : ஸ்ரீ ரவிநந்தனாய

2. ஸூரா ஸூரா : கிம்புருஷோர கேந்த்ரா

கந்தர்வ வித்யாதர பன்னகாச்ச

பீட்யந்தி ஸர்வே விஷமஸ்திதேன

தஸ்மை நம : ஸ்ரீ ரவிநந்தனாய

3. நரா நரேந்திரா : பசவோ ம்ருகேந்திரா

வன்யாச்ச யோ கீட பதங்க்கப்ப்ருங்கா

பீட்யந்தி ஸர்வே விஷமஸ்திதென

தஸ்மை நம : ஸ்ரீ ரவிநந்தனாய

4. தேசாச்ச துர்காணி வனானி யுத்ர

ஸேனான நிவேசா : புரபத்தனானி

பீட்யந்தி ஸர்வே விஷமஸ்திதென

தஸ்மை நம : ஸ்ரீ ரவிநந்தனாய

5. திலைர்யவைர்மாஷ குடான்ன தானை:

லோஹேன நீலாம்பர தானதோவா

ப்ரீணாதி மந்த்ரைர் நிஜ வாஸரே ச

தஸ்மை நம : ஸ்ரீ ரவிநந்தனாய

6. ப்ரயாக கூலே யமுனாதடே ச

ஸரஸ்வதீ புண்யஜலே குஹாயாம்

யோயோகினாம் த்யான கதோநபி ஸூஷ்ம

தஸ்மை நம : ஸ்ரீ ரவிநந்தனாய

7. அந்த்யப்ரதேசாத் ஸ்வக்ருஹம் ப்ரவிஷ்ட

ஸ்திதீய வாரே ஸ நர : ஸூகி ஸ்யாத்

க்ருஹாத் கதோ யோ ந பு ந : ப்ரயாதி

தஸ்மை நம : ஸ்ரீ ரவிநந்தனாய

8. ஸ்ரஷ்டா ஸ்வயம்பூர்வனத்ரயஸ்ய

ந்ராதா ஹரிசோ ஹரதே பிநாகீ

ஏகஸ்த்ரிதா ருக்யஜூ சாம மூர்த்தி :

தஸ்மை நம : ஸ்ரீ ரவிநந்தனாய

9. சன்யஷ்டகம் ய : ப்ரயத : ப்ரபாதே :

நித்யம் ஸூபத்ரை : பசுபாந்த வைச்ச

படேத்து ஸௌக்யம் புவி போக யுக்த :

தஸ்மை நம : ஸ்ரீ ரவிநந்தனாய

10. கோணஸ்த : பிங்களோ பப்ரு :

க்ருஷ்ணோ ரௌத்ரோ பிந்தகோயம

ஸெளரி : சனைச்சரோ மந்த :

பிப்பலா தேன ஸம்ஸ்துத :

11. ஏதானி தச நாமகநி ப்ராதருத்தாய ய : படேத்
சனைச்சரக்ருதா பீடாத கதாஷித் பவிஷ்யதி
இதி ஸ்ரீ சனைச்சர ஸ்தோத்ரம் சம்பூர்ணம்

உத்திரகோச மங்கை (UTTARAKOSAMANGAI)

| Jun 18, 2012
உத்திரகோசமங்கை ஆலயம் பற்றிய அருமையான தகவல்களையும், அரிய புகைப் படங்களையும் நமது வாசக நண்பர் திரு. நந்தகுமார் அவர்கள் அனுப்பி உள்ளார். அவருக்கு நமது வாசகர்கள் சார்பில், மனமார்ந்த நன்றி!
இந்த ஆலயத்தின் மகிமைகள் பற்றி இணையத்தில் சில நண்பர்கள் ஏற்கனவே அருமையான கட்டுரைகளை எழுதி இருக்கின்றனர். அவற்றின் லிங்குகளை கீழே இணைத்துள்ளேன். இந்த புண்ணிய பூமியில் பிறந்ததற்கு நாம் பெருமைப் பட்டுக்கொள்ளலாம். அவசியம் படித்துப் பாருங்கள்! பல ஆயிரக்கணக்கான வருடங்களாக அருள் பாலித்துக் கொண்டு இருக்கும் மரகத மூர்த்தியாக சிவன் இங்கு விளங்குகிறார். அடுத்த தடவை ராமேஸ்வரம் சென்றால், அவசியம் இந்த ஆலயத்திற்கும் ஒருமுறை சென்று வாருங்கள். 

இந்த ஆலயம் பற்றிய மேலும் பல அதிசய தகவல்களுக்கு  

http://jaghamani.blogspot.in/2011/06/blog-post_13.html

http://sethuboomi.wordpress.com/uthirakosamangai/

http://ramadevarblogspotcom.blogspot.in/2011/11/blog-post_08.html

நமது நண்பர் திரு. நந்தகுமாரின் மின்னஞ்சல் :
============================================================
Dear Sir, I am regular visitor of your website (Living Extra).I want to share some data with you,which it would be beneficial for the readers. Last week I went to Rameshwaram as a part of my parihara visit.I went to temple called “UTTARAKOSAMANGAI” near Ramanad. Uthira Kosa Mangai is a tiny hamlet, famous for the Siva temple considered to be 3000 years old.

This is the place where Siva transferred the secrets of  Vedas to Parvati. Uthiram means ( updesham ) kosam( secrets) Parvati  (Mangai )  hence this place is known as Uthira Kosa Mangai. The main deity here is Mangalanathar ( Siva) and his consort is  Mangleshwari. 

There is a Nandi just outside the sanctum and a bigger Nandi in the outer prakaram  known here  as Pradosha Nandi.   Special poojas are conducted here on Pradosham days in the evenings as it is  believed that Siva dances between the horns of Nandi during that time. There  are also  shrines for Kalabhairavar and  Sanishwarar here. Each pillar in this temple has beautiful carvings and the ceiling is painted in myriad hues.

And I saw a Sivan face in a lingam,which is 3000 yrs old and I would like to share the photo’s below:

Other Photos I have attached which I saw as wonders of Temple. Excuse my brevity and grammar mistakes.  Thanks & Regards,Nandakumar.M

















நாளைய உலகின் நாயகன் நீயே...! (உங்கள் சிந்தனைக்கு !)

| Jun 14, 2012
நேற்று என்பது வெறும் கனவு
 நாளை என்பதோ கற்பனை மட்டுமே
 இன்று சிறப்பாக வாழ்ந்தால்
 அது நேற்றைய கனவையும் இனிமையாக்கும்
 நாளைய தினத்தையும் நம்பிக்கைக்குரியதாக்கும்
 அதனால் இன்றைய தினத்தைக் கவனி
 அதில் தான் விடியலுக்கான தீர்வே உள்ளது

இந்த அருமையான வரிகளுக்கு சொந்தக்காரர் - மகாகவி காளிதாசர். இதைப் போல, எத்தனையோ நம் படித்து இருந்தாலும், தெரிந்து இருந்தாலும் - நிகழ் காலத்தை உருப்படியாக வைத்து இருக்கிறோமா என்றால், இல்லை என்றே கூற வேண்டியிருக்கிறது.  

ஏன் என்றால், அதற்க்கு விடை இல்லை. ஒன்று கடந்த காலத்தை நினைத்து, ஒரு சோகப் போர்வையை போர்த்திக்கொண்டு முடங்கிக் கொண்டு இருப்போம். அல்லது எதிர் காலத்தை நினைத்து மனக் கோட்டையை கட்டிக்கொண்டு, முண்டி முரண்டு பிடித்துக் கொண்டு - நிகழ் காலத்தில் நிம்மதியைத் தொலைத்துக் கொண்டு தான் இருக்கிறோம்...
நம் நிகழ்கால நம்பிக்கையை குலைப்பதில் தான் விதி விளையாடுகிறது. நம்பிக்கையை வளர்க்க நாம் என்ன செய்யலாம்?

இணையத்தில் நண்பர் ஒருவர் பிரசுரித்ததை நமது வாசகர் ராம்பிரசாத் , நம் வாசகர்களிடம் பகிர்ந்துகொள்வதற்காக அனுப்பி இருந்தார். எளிதான, அதே சமயம் கடை பிடிக்கக் கூடிய நடைமுறைகள்... படித்துப் பயன் பெறுங்கள்... !


1. நம்பிக்கையைத் தூண்டும் வழிகள்.

அடிமனதில் வெற்றிபெற துடிக்கும் எண்ணங்களை வரிசைப்படுத்து..
சிறப்பான வழிகளை தேர்வு செய்..
எப்படி செய்வதென எழுது..
வழக்கமான பணி நேரம் போக இதற்கென நேரத்தை ஒதுக்கு..
தினமும் எப்படி செய்வதென எழுது..
தயார் நிலைக்கு வந்ததும் சரியான சூழலை எதிர் நோக்கு..
தினமும் அதற்காக செயற்படப்போவதை கற்பனை செய், செயலாக்கு..
வெற்றி பெற்றவர் அணுகுமுறையை கையாள்..
தினமும் வெற்றி பெற்றவர்களை பார், படி..
மாதம் தவறாமல் வெற்றி இலக்கை நோக்கி உற்சாகப் பயிற்சியில் ஈடுபடு. .

2. உனக்குள்ளேயே இன்னொரு மனிதனாக உருவெடுத்து தூண்டுதலை வழங்கி வெற்றி பெறு..

3. வெற்றிக்கும் சாதனைக்கும் அடிக்கல்லாய் அமைவது தன்னம்பிக்கையே.

4. கடந்த கால வெற்றிகளையும் தோல்விகளையும் ஆராய்ந்து அதில் சிறந்ததை தெரிவு செய்..

5. உறங்கப் போகுமுன் உள்ளம் உறுதியாகும்படி மனதில் பேசிப்பழகு...

6. உறுதியுள்ள மனிதரோடு அடிக்கடி பேசிப்பழகு..

7. பகை எண்ணங்களை விட்டொழிந்து தைரியமாக செயற்படு..

8. தோல்வியடைந்தாலும் முழுமையான ஆற்றலை இணைத்து செயற்படு..

9. சிறந்த வழியை கண்டெடுத்து உடனடியாக செயற்படு..

10. எப்போதோ சுடுவதற்கு இப்போது ஏன் பயிற்சி என்று கேட்காதே, கேப்டன் சுடச் சொல்லும் போது சுட்டால் குறி தவறிவிடும் நீ பகைவனின் குண்டுக்கு பலியாவாய்.

11. ஒவ்வொரு நாளையும் நிமிடங்களையும், தன் வசமாக்கும் சாகசக்காரராக மாறி ஓர் ஒழுங்கு முறைக்கு கொண்டுவந்து செயற்படுபவனே வெற்றியாளன்.

12. திட்டமிடுவதும் அதன்படி நடப்பதுமே வெற்றி தரும்.

13. வெற்றிபெற எண்ணுபவன் சோர்வதுமில்லை, தடுமாறுவதும் இல்லை..

14. நடக்கும் என்ற எண்ணத்தோடு செயற்பட்டு, எந்தத் தடைக்கும்
அஞ்சாமல் முன்னேறு...

15. உனக்கே நீ ஆணை பிறப்பித்து செயற்பட்டு வெற்றிபெறு, மற்றவரின் ஆணைக்காக பார்த்திருக்காதே...

16. மாறி வரும் விஞ்ஞான உலகத்திற்கு ஏற்றவகையில் தங்களை மாற்றிக்கொள்ள முடியாத காரணத்தாலேயே பலர் தோல்வி அடைகிறார்கள்...

17. எதையும் பின்தள்ளிப் போடாதே கண்டிப்பாய் இன்றே முடித்துவிட வேண்டுமென எண்ணிச் செயற்படு...

18. எவ்வளவுதான் சிந்தனை இருந்தாலும் அதைச் செழுமையாக்கி ஒரே சமயத்தில் வலுவான விதமாக செலுத்த அழுத்தமான நிர்வாகத்திறன் வேண்டும்.

19. எல்லாப்பக்கமும் திரும்பாமல் ஒரே குறியாக ஒன்றைத் தேர்ந்தெடுத்து முழுக்கவனத்தையும் செலுத்தினால் மாபெரும் வெற்றி கிடைக்கும்.

20. வெவ்வேறு திட்டங்களை தூக்கியெறிந்துவிட்டு ஒரே இலக்கை தேர்வு செய்து கொள்ள வேண்டும். அதில் வரும் சிக்கல்களை ஆராய வேண்டும். அதை வரிசைப்படுத்தி ஒவ்வொன்றாக தீர்க்க முயல வேண்டும்.

21. மனதை ஒரு நிலைப்படுத்த இப்போதே பழகுங்கள் வெற்றி தானாகத் தேடி வரும்.

22. ஒவ்வொரு நாளும் பல தடவை வெற்றி பெறுவேன் என்ற சிந்தனையை பல தடவைகள் சொல்ல வேண்டும்.

23. பிறர் நம்மை என்னவாக எண்ண வேண்டுமென நினைக்கிறோமோ அதை நாம் முதலில் எண்ண வேண்டும்.

24. வெற்றி என்பது தானாக வராது மற்றவருக்கு உதவுவதாலும் வரும்.

25. வெற்றி என்பது கொடுப்பது, பின் அடைவது இது விளையாட்டல்ல நிஜம்.

26. வெற்றிபெற வைப்பவன் பின் தானும் வெற்றி பெறுவான்.

27. வாழ்க்கையில் வெற்றிபெற விரும்புகிறாயா முதலில் பாராட்டக் கற்றுக்கொள்.

28. பாராட்டுகிற பழக்கமுள்ளவன் ஒருபோதும் தோல்வியடையமாட்டான் அவனை மற்றவர்கள் தோளில் சுமந்து சென்று வெற்றி மேடையில் அமர வைப்பர்.

29. எண்ணங்களோடு உங்களை இணைத்துக் கொள்ளாதீர்கள். உணர்வுகளுக்கான நேரம் வரும், நேரம் போகும். எதிர்மறை எண்ணங்களோடு உங்களை இணைத்தால் அதற்கு அடிமையாவது நிச்சயம்.

30. உங்களைச் சுற்றிப்பாருங்கள். உலகம் முழுவதையும் புரிந்து கொள்ள வேண்டியதைப் புகட்டும் பல்கலைக்கழகம் சுற்றியிருப்பதை உணர்வீர்கள். வாழ்க்கையின் ஒவ்வொரு நிகழ்ச்சியும் ஆழமான விசயம் ஒன்றைப் புரிய வைக்கிறது.

31. பறவைகள் கூடு கட்டும்போது ஒரு சொட்டு நீர் கூட உள்ளே புகாத வகையில் கூட்டைக் கட்டும். இந்தப் பொறியியல் அற்புதத்தை எங்கிருந்து அவை பெற்றன. அவை தமது தாய்ப்பறவையின் கருவில் இருந்தே கற்றுவிட்டன. பிறக்கப் போகும் குஞ்சுகள் மீதுள்ள அன்பு, குஞ்சுகளுக்கு கூடுகட்டும் கலையையே கற்றுக் கொடுக்கிறது.

32. தங்கள் மனைவியைவிட தங்கள் அபிப்பிராயத்தை பலர் அதிகமாக காதலிக்கிறார்கள். இதனாலேயே பலர் தங்கள் மனைவியை மதிக்காது அவமதிக்கிறார்கள். ஆகவே உங்கள் கருத்துக்களை கண் மூடித்தனமாக மதிக்காதீர்கள், உலகத்தில் எந்தக் கருத்தும் மாறக்கூடியதே.

33. பாரம்பரியத்தை சிறிது ஒதுக்கி வைத்துவிட்டு, உறவுப் பிணைப்புக்களை கவனிப்பதில் கவனம் செலுத்துங்கள்.

34. காதலி ஏமாற்றிவிட்டாள் என்று கருத வேண்டாம், காதலி மீது நீங்கள் இதுவரை வைத்திருந்த அபிப்பிராயம்தான் உங்களை ஏமாற்றிவிட்டது என்பதே உண்மை.

35. நீங்கள் இந்த உலகத்தில் பிறந்ததற்கான காரணம் முழுமையாக நடைபெற வேண்டுமானால் குறைந்தபட்சம் மற்றவருக்கு உதவுவதை நிறுத்தாதீர்கள். ஒருவேளை உங்களால் மற்றவருக்கு உதவ முடியாமல் போனால் அவர்களை வேதனைப்படுத்தாதாவது இருக்கப்பாருங்கள்.

36. அறிவு புத்தகங்களில் இருந்து படிக்கும் ஒன்றல்ல, ஒருவர் பழகும் முறையில் இருந்து அவரிடமுள்ள அறிவின் ஆழத்தைப் படிக்கலாம்.

37. ஒருவர் தொழிலில் முன்னேற வேண்டுமானால் 35 சதவீதமான அறிவு போதமானது. 65 சதவீதம் மற்றவர்களோடு எப்படி பழக வேண்டும் என்பது தெரிந்திருக்க வேண்டும்.

38. நீங்கள் செய்த தவறு என்னவென்று .. கூறியபடி மற்றவருடன் பேச ஆரம்பிக்க வேண்டாம். புகழ்ச்சியுடன் இடையிலேயே விமர்சனங்களை வையுங்கள்.

39. துறை முகத்தில் இருக்கும் கப்பல் பாதுகாப்பாகவே இருக்கும், அதற்காக கப்பல்கள் எல்லாம் துறைமுகத்திலேயே இருக்க வேண்டுமானால் கப்பல்களே வேண்டியதில்லையே.

40. முதன் முதலில் சிகரட்டை பிண நாற்றமெனக் கூறி ஒதுக்கிய மனிதன் பின்னர் புகைத்தலே ஆண்மைக்கு அழகு என்பது போன்ற பிரச்சாரங்கள் வந்ததும், பிணத்தையும் மறந்து, நாற்றத்தையும் மறந்து அதற்காகவே பணத்தையும் இழந்தான். இப்படித்தான் பிரச்சாரமும், மூளைச் சலைவையும் சமூகத்தை சீரழிக்கக் காரணமாகியிருக்கின்றன.சிகரெட்டை பிடிக்கும்போது தட்டும் சாம்பல், புகையிலையை எரிப்பதால் வருவது அல்ல! உங்களை எரிக்கும்போது கிடைக்கப் போகும், அந்த கடைசி சாம்பல்... அதை, நீங்களே தட்டிப் பார்க்கிறீர்கள் என்பதை உணருங்கள்!    

41. நீ கேட்க முடியாத ஒரு குரலை நான் கேட்கிறேன், அது சொல்கிறது நீ பின்தங்கிவிடக் கூடாது என்று, அதுபோல நீ காண முடியாத ஒன்றை நான் காண்கிறேன் அது என்னை பொருத்தமான இடத்திற்கு அழைத்துச் செல்கிறது. காணவும் முடியாது, கேட்கவும் முடியாத உன்னை நான் எப்படி பின்பற்றுவது ?

42. தான் செய்ய வேண்டிய வேலையுடன் பிறக்காத மனிதன் எவனும் உலகில் இல்லை. அதை அறிய முன்னரே பிள்ளைகளை பலவந்தப்படுத்தி இன்றய உலகின் மோசமான கல்விக்குள் கட்டாயப்படுத்தித் திணிக்காதீர்கள்.

43. யாரோ ஒருவர் பணம் சம்பாதித்துவிட்டார் என்பதற்காக அவருடைய தொழிலையே நீங்களும் தேர்வு செய்யாதீர்கள்.

44. வாய்ப்பை உபயோகிக்கத் தெரியாத மனிதனுக்கு அதைக் கொடுப்பதால் என்ன பயன் இருக்கப்போகிறது. வாய்ப்பு வந்தும் பலர் செக்குமாடுகளாக இருப்பதற்குக் காரணம், அவர்களுக்கு வாய்ப்பு வருவதும் தெரியாது, போவதும் தெரியாது.

45. வாய்ப்புக் குறைவு என்று கூறுவது பலவீனமான சஞ்சல மனம். உண்மையில் வாய்ப்புக்கள் நிறைந்துள்ளன என்பதே யதார்த்தம்.

46. ஊருக்கு உபதேசம் செய்து தம்மை உத்தமர் போல காட்டுவோர், இரகசியமாக ஒழுக்கம் குன்றி நடப்பது அம்பலமாகும் போது அவர்களே செல்லாக்காசுகளாகிறார்கள்.

47. தன்னை வளர்க்க, உருவாக்க, தயார்படுத்த பொருத்தமான காலம் இளமைப்பருவமாகும்.

48. இந்த உலகம் ஆர்வமுள்ளவர்களுக்கு பரிசாக அளிக்கப்பட்டுள்ள நன்கொடையாகும் அதை அறிந்து உலகை நல்லவிதமாக பயன்படுத்த வேண்டும்.

49. சில நேரங்களில் சில சங்கடங்களை சந்தித்துத்தான் ஆக வேண்டும் என்பதை உணருங்கள்

50. பூரணத்துவத்தை மெதுவாகவே அடைய வேண்டும், அதற்குக் காலம் என்ற கை உதவ வேண்டும்.

நன்றி : Mr.கோவை ராமநாதன் வலைப்பூ .
நன்றி : Mr.ராம்பிரசாத் for sending this wonderful message

அவசியம் தரிசிக்க வேண்டிய அதி அற்புத ஆலயங்கள் ( பாகம் - 02 )

| Jun 7, 2012
அன்பு நண்பர்களுக்கு வணக்கம். நமது சென்ற வார திருவலம் வில்வநாத ஈஸ்வரர் கட்டுரையை படித்துவிட்டு , நிறைய வாசகர்கள் நன்றி கூறி மின்னஞ்சல் அனுப்பி இருந்தனர். கிட்டத்தட்ட இதே சூழ்நிலையில் தான் இருக்கிறேன், சரியான நேரத்தில் இந்த ஆலயம் பற்றிய தகவல் கிடைத்தது. அந்த இறைவனே அழைத்தது போல இருந்தது என்று கூறி இருந்தனர். மேலும், நமது தளத்தில் படித்துவிட்டு அந்த ஆலயம் சென்று , அவரை முதன் முறையாக சென்று தரிசித்த நண்பர்கள் அனைவரும், ஏதோ ஒரு விதத்தில் மன நிம்மதியை உணர்ந்து இருப்பதாக கூறி இருக்கின்றனர். அனைவருக்கும் இறை அருள் தொடர்ந்து கிடைக்கட்டும்....!

இது தவிர, சென்ற வாரக் கட்டுரையை படித்து விட்டு , நமது தளத்தின் ஆரம்ப காலத்தில் இருந்தே தீவிர வாசகராக இருக்கும் நண்பர் ஒருவர், ஒரு நீண்ட மின்னஞ்சல் அனுப்பி இருந்தார். சாராம்சம் மட்டும் கூறுகிறேன்..!
" சார், உங்களது இந்த ஸ்தலம் பற்றிய கட்டுரைக்கு மிக்க நன்றி.. அவசியம் , விரைவில் அங்கு சென்று தரிசிப்பேன். அதே நேரம், இந்த ஆலயங்கள் பற்றிய தொடரில், நீங்கள் இதற்க்கு முன்பு எழுதிய அன்னை - பத்திரகாளியின் ஆலயம் பற்றி அவசியம் நம் வாசகர்களுக்கு நினைவூட்டுங்கள். என் வாழ்க்கையில் நான் மிகப் பெரிய பாக்கியமாக கருதுவது, உரிய நேரத்தில் உங்கள் அந்த கட்டுரையைப் படித்ததுதான்... ! அதன் பிறகு, இந்த ஒரு வருட காலத்தில், நிஜமாகவே என் நிலைமையில் எவ்வளவோ முன்னேற்றம் அடைந்துள்ளேன். அன்னைக்கும், இந்த ஆலயம் பற்றிய தகவல் அளித்த உங்களுக்கும் என்றென்றும் நன்றிக்கடன் பட்டிருக்கிறேன்.." என்று உருக்கமாக கூறி இருந்தார்.....

அந்த கட்டுரையை படிக்காத, நம் புதிய வாசகர்களுக்காக - அதன் லிங்கைக் கீழே கொடுத்துள்ளேன்...! நீங்கள் பொறுமையாக படிக்க வேண்டிய பதிவு. தட்டுத் தடுமாறி, வாழ்க்கையில் மூச்சை இழுத்துப் பிடித்துக்கொண்டு எதிர் நீச்சல் போடுபவர்கள் அனைவரும், அவசியம் படிக்க வேண்டிய பதிவு.

நண்பர் தனது கடிதத்தில், மேலும் ஒரு தகவல் கூறி இருந்தார். சில முக்கிய வேண்டுகோளுக்காக அன்னையை தரிசிக்க செல்லும்போது, எங்கிருந்தோ ஒரு சுண்டெலி வந்து அன்னை சிலையின் மேல் ஏறி விளையாடுகிறதாம்.. அன்னைக்கு மேல் சாற்றியிருக்கும் மாலையின் உள் புகுந்து விளையாடிக்கொண்டு இருக்குமாம். கைக்கு கீழே, அது விளையாடும்போது, அந்த மாலை ஆடும்போது, அன்னையே கையை ஆட்டி ஆசி பண்ணுவது போல் இருக்கிறதாம். சொல்லி வைத்தாற்போல, அந்த பிரச்னைகள் ஓரிரு வாரங்களுக்குள்ளாகவே, தீர்ந்து விடுகிறது... அன்னையே அந்த சுண்டெலி வடிவில் வருகிறாரோ.. அல்லது அங்கு இருக்கும் லாட தவசி என்கிற சித்த சந்நியாசி தான் வருகிறாரோ.. தெரியவில்லை என்று வியக்கிறார்...

அதை அறிந்துகொள்ள நமக்கு தகுதி இல்லை. ஆனால், இந்த கலியுகத்தில் - நம் கர்மங்களை கரைக்க, வேண்டும் வரம் கிடைக்க, அன்னை இங்கே அருள் பாலிப்பது நம் அனைவருக்கும் கிடைத்துள்ள ஒரு அரிய வாய்ப்பு என்பதில் ஐயமில்லை... தனிப்பட்ட முறையில், என் பல பிரச்னைகளை தீர்த்து , தன் அன்பினால் என்னை அரவணைத்துக் கொண்டு இருப்பவர் அன்னை பத்திரகாளி... இந்த பதிவை நீங்களும் ஒரு முறை படித்துப் பார்க்கவும் ... வாய்ப்பு கிடைக்கும்போது அவசியம் ஒருமுறை சென்று வரவும்.


பெட்ரோமாக்ஸ் லைட்டேதான் வேணுமா? உங்கள் சந்ததிக்கே ஒரு கலங்கரை விளக்கமாகும் - சிறப்புக் கட்டுரை



இந்த சுண்டெலி சம்பவம் பற்றிய மெயில் படித்துக் கொண்டு இருக்கும்போதே, சகோதரி யவனிகை - இன்னொரு மெயிலில் சில படங்களை அனுப்பி இருந்தார். நமது தேப்பெருமா நல்லூர் கட்டுரைக்கு தொடர்புடைய படங்கள்.
இரண்டு வருடம்  முன்பு - சூரிய கிரகணத்தின்போது, ஒரு பெரிய பாம்பு, தனது வாயில் வில்வ இலையை பறித்துக்கொண்டு சிவனை அர்ச்சித்ததாக கேள்விப்பட்டு இருப்பீர்களே... அதே கோவில் தான். அந்த கோவில் பற்றிய நம் பழைய கட்டுரைகளின் லிங்குகள் கீழே கொடுத்துள்ளேன்... படித்துப்பாருங்கள்..!


சித்தர்கள், ரிஷிகள் - இதே போல் வேறு ரூபத்தில் இறைவனை தொழுவது, சில குறிப்பிட்ட ஆலயங்களில் அடிக்கடி நடக்கும். இங்கே அந்த சர்ப்பம், பல பேர் கூடி இருக்கும்போது - அந்த குறிப்பிட்ட கிரகண நேரத்தில் - ஆலயத்தின் உள்ளே வந்து, இறைவனின் சிரசில் அமர்ந்து வில்வ இலையை வைத்து இருக்கிறது. இரண்டு, மூன்று முறை இது நடந்ததாம். இரவு நேரங்களில் யாரும் இல்லாத நேரத்தில் அடிக்கடி நடப்பதாகவும் கூறுகிறார்கள்... கொஞ்சம் மிகைப் படுத்தலாகவும் இருக்கலாம்...

ஆனால், ஒரு பாம்பு வந்து கும்பிடுகிறதே என்னும்போது - கடவுள் இல்லை என்று சொல்வது மடத்தனமாக தெரிகிறது. வில்வத்தின் மகிமையையும் , இந்த ஆலயத்தின் மகிமையையும் பாருங்கள். இந்த நிகழ்வு நடந்த மறுநாளே, தின இதழ்களும் இந்த நிகழ்வை உறுதிப் படுத்தி இருந்தன. பல ஆன்மீக இதழ்களின் 'கவர் ஸ்டோரி' யாகவும் இருந்தது... இருந்தபோதும், நிறைய பேருக்கு தெரியாமல் இருந்து இருக்கலாம். அது சரி, யார் யாருக்கு எது பிராப்தமோ - அது தானே. நம் புதிய வாசகர்கள் அவசியம் தெரிந்து கொள்ளும் பொருட்டு - அந்த படங்களையும், கட்டுரைகளையும் இணைத்துள்ளேன்.... படித்துப் பாருங்கள்...

இன்னும் சில ஆலயங்களில் ஆலயம் மூடிய பிறகு, நடு நிசியில் -நாம் பார்த்தே இராத, கேள்விப்படாத சில மலர்களால் இறைவனை அந்த சித்தர்கள் பூஜிக்கிறார்கள். காலையில் ஆலயத்திற்குள் வரும் குருக்கள் மிரண்டு , பயபக்தியுடன் இறைவனை பூஜிக்கிறார்கள். சில ஆலயங்களில் கதவுகளை மூடிய பிறகு - பைரவர் கோவிலில் உலாவுவாராம். நாய்களின் மூச்சு இரைக்கும் சப்தம் நன்றாக கேட்கிறதாம். கதைகளில் வருவது போல தோன்றினாலும், பகுத்தறிவுக்கு உட்படாத பல விஷயங்கள் - இன்னமும் நம் நாட்டில் நடப்பது நிச்சயமான உண்மை.

சதுரகிரி, அண்ணாமலை போன்ற இடங்களில், மலை ஏறும் போது - கிரிவலம் செல்லும்போது - கண்முன்னே நடந்து செல்லும் சில பேர் மறைந்தே போயிருக்கிறார்கள். சித்தர் தரிசனம் அந்த மாதிரி சில பாக்கியவான்களுக்கு கிடைத்துவிடுகிறது. இது போன்ற நமக்கு வரும் சில உண்மையான அனுபவக் கட்டுரைகளை, உரிய நேரத்தில் - உங்களிடம் பகிர்ந்து கொள்கிறேன்.

இந்த சிவ ஆலயம் என்று இல்லை, எல்லா பழமையான ஆலயங்களும் - நம் குறை தீர்க்கவென்றே ஏற்படுத்தப்பட்டுள்ளன..! நாம் அந்த ஆலயங்கள் இருப்பது பற்றி அறிந்து கொள்வதே, அந்த பிரச்னைக்கு விமோச்சனம் கிடைக்கத்தான்...! எதையும் நினைத்துக் கலங்க வேண்டாம்.. எல்லா பிரச்னைகளுக்கும் விடிவு உண்டு. இறை அருளோடு , அதை நாம் விரைவில் சாதிப்போம்..!

இதைப் போன்ற அதிசயங்கள் , நம் கண் முன் நடந்தால் தான் - இறைவனை நம்புவேன், என்று உரைக்கும் உங்கள் உள் மனதின் மடத்தனத்தை மூட்டை கட்டி வைத்து விட்டு - உண்மையான பக்தியுடன், முழு நம்பிக்கையுடன் - இறைவனை அணுகுங்கள்..! அதன் பிறகு நடக்கும் அற்புதத்தை உணர்ந்து பாருங்கள்..! நம் தகப்பன் நம்மை நிச்சயம் ஆசீர்வதிப்பான்! 




வாழ்க அறமுடன் ! வளர்க அருளுடன்!
தேப்பெருமா நல்லூர் - ஆலயம், அவற்றின் பெருமைகள் - மேலும் அங்கு நடந்த ஒரு அதிசயம் பற்றி, நமது பழைய கட்டுரைகளை படிக்க கீழே 'க்ளிக்' செய்யவும். 

First Article :

மீண்டும் பிறவா நிலை அடைய வைக்கும் அற்புத கோவில்

 

Second Article :

தேப்பெருமாநல்லூர் மீண்டும் ஒரு அதிசயம் : அம்மன் சந்நிதியில் அணைந்து , அணைந்து எரிந்த தீபம்

 

 வழக்கம்போல், உங்கள் அனுபவங்களும்,கருத்துக்களும், விமரிசனங்களும் வரவேற்க்கப் படுகின்றன! தொடர்ந்து ஊக்குவிக்கும் வாசகர்கள் அனைவருக்கும், படங்களை நமக்கு அனுப்பிவைத்த சகோதரி யவனிகைக்கும் நெஞ்சார்ந்த நன்றி!

கடவுள் இருக்கிறாரா, இல்லையா?

| Jun 5, 2012
யார் என்னதான் சொன்னாலும், மனசுக்கு திருப்தியே அடையாத இரண்டு கேள்விகள் இருக்கின்றன. கடவுள் இருக்கிறாரா, இல்லையா? இன்னொரு கேள்வி, இறந்த பிறகு - உயிர் என்ன ஆகிறது? இதுக்கு யார், என்னதான் சமாதானம் கொடுத்தாலும், நம்ப முடிவதே இல்லை.

முதல் கேள்வி சம்பந்தமாக, ஓஷோ ஒரு கதையை நமக்கு சொல்லி இருக்கிறார்...... படித்துப் பாருங்கள்..!


குருடன் ஒருவன் புத்தரிடம் கொண்டுவரப்பட்டான்.அவன் ஒரு தத்துவவாதியாக மிகவும் வாதாடுபவனாக இருந்தான். அவன் கிராமத்தாரிடம் வெளிச்சம் என்பதே கிடையாது.நான் குருடனாக இருப்பதை போலவே நீங்கள் எல்லோரும் குருடர்கள்.நான் அதை அறிந்து கொண்டேன்,நீங்கள் அதை அறியவில்லை,அதுதான் வித்தியாசம் என்று கூறி வாதிட்டான். இதை அவன் கண்கள் உள்ள கிராம மக்களிடம் கூறி கொண்டிருந்தான்.அந்த கிராமத்து மக்களே ஒன்றும் பேச முடியாத அளவிற்கு அவன் வாதிடுவதில் வல்லவனாக இருந்தான்.அவனை என்ன செய்வது என்று தெரியாமல் கிராமத்தார் தவித்தனர்.

அவன் அவர்களிடம் நீங்கள் கூறும் வெளிச்சத்தை கொண்டு வாருங்கள்.நான் அதை ருசித்து பார்க்கிறேன்.இல்லை நுகர்ந்து பார்க்கிறேன்.இல்லை,தொட்டு பார்க்கிறேன். அதன் பின்தான் நான் நம்ப முடியும்.என்று கூறினான். வெளிச்சத்தை தொடமுடியாது,ருசிக்க முடியாது.நுகரவும் முடியாது.கேட்கவும் முடியாது.ஆனால் இந்த குருட்டு மனிதனுக்கு உள்ளவையோ இந்த நான்கு புலன்களும்தான். ஆகவே அவன் வெற்றியடைந்து விட்டதாக சிரிப்பான்.பாருங்கள் ஒளி என்று கிடையாது.உண்டு எனில் எனக்கு நிருபித்து காட்டுங்கள் என்று கூறுவான்.

புத்தர் அந்த கிராமத்துக்கு வந்த போது அங்குள்ளவர்கள் அவனை அவரிடம் அழைத்து வந்தார்கள். அவனது வரலாறு முழுவதையும் புத்தர் கேட்டார்.அதன் பின் அவர் இவனுக்கு நான் தேவை இல்லை.வெளிச்சத்தை பற்றி இவனிடம் பேசுவது முட்டாள்தனம்.இவனோடு நீங்கள் வாதிட்டால் அவன்தான் வெற்றி பெறுவான்.அவனால் வெளிச்சம் இல்லை என்பதை நிருபிக்க முடியும்.எனவே இவனை என் மருத்துவரிடம் அழைத்து செல்லுங்கள். என்று கூறினார். ஆறு மாத காலத்தில் புத்தருடைய மருத்துவர் அவனை குணப்படுத்தினார். அவன் புத்தர் கால்களில் வந்து விழுந்தான்.

நீங்கள் மட்டும் இல்லையெனில் நான் என் வாழ்நாள் முழுவதும் வெளிச்சத்தை பற்றி விவாதம் செய்தே கழித்திருப்பேன்.ஆனால் வெளிச்சம் உள்ளது.இப்போது நான் அதை அறிகிறேன்.என்று கூறினான். இப்போது புத்தர் நீ அதை நிருபிக்க முடியுமா?வெளிச்சம் எங்கே உள்ளது?நான் அதை ருசிக்க வேண்டும்.அதை தொட வேண்டும்.நுகர வேண்டும். என்று கேட்டார். உடனே அந்த முன்னாள் குருடன்.அது முடியாத காரியம் அதை பார்க்க மட்டும்தான் முடியும் என்பதை இப்போதுதான் நான் அறிகிறேன்.அதை அடைவதற்கு வேறு வழி இல்லை.என்னை மன்னித்து விடுங்கள் என்றான்.

ஓஷோ சொல்கிறார்: ஞாபகத்தில் கொள்ளுங்கள் எதிர்மறையானவற்றை மிக எளிதில் நிருபித்து விடலாம்.ஆனால் நேர்மறையானவற்றை நிரூபித்தல் சாத்தியமில்லை. எனவே தான் நாத்திகன் மிகவும் விவாதிப்பவனாகவும் ஆத்திகன் எப்போதும் தோல்வியுறுபவனாகவும்இருக்கிறான்.அவன் கடவுள் அல்லது ஆன்மா இருப்பதை நிரூபிக்க முடியாது.

நள தமயந்தி !

|
ஆகுகன், ஆகுகி என்ற வேட தம்பதியர் காட்டிலுள்ள குகை ஒன்றில் வசித்தனர். அவ்வழியே வந்த துறவி ஒருவரை அவர்கள் உபசரித்தனர். இரவாகி விட்டதால், குகைக்குள் துறவியும், ஆகுகியும் தங்கினர். அதில் இருவர் தான் தங்க முடியும் என்பதால் வேடன் வெளியில் தூங்கினான். தன் மனைவி ஒரு ஆணுடன் தங்கியிருக்கிறாள் என்ற எண்ணம் அவனுக்கு இல்லை. தன் மீது நம்பிக்கை வைத்த வேடனை முனிவர் பாராட்டினார். அயர்ந்து உறங்கிய வேடனை ஒரு மிருகம் கொன்று விட்டது. விஷயமறிந்த ஆகுகியும் உயிர் துறந்தாள். சுயநலமில்லாத இத்தம்பதியர் மறுபிறவியில் நள தமயந்தியாகப் பிறந்தனர்.

துறவி அன்னப்பறவையாக பிறந்தார். நளன் நிடதநாட்டின் மன்னராக இருந்தான். ஒருநாள் அன்னப்பறவையைக் கண்டான். நளனின் அழகைக் கண்ட பறவை, “”உனது அழகுக்கேற்றவள் விதர்ப்ப நாட்டு மன்னன் வீமனின் மகள் தமயந்தி தான். அவளை திருமணம் செய்து கொள். உனக்காக தூது சென்று வருகிறேன்,” என்றது. அன்னத்தின் பேச்சைக் கேட்ட தமயந்தி காதல் கொண்டாள்.

இதனிடையே சனீஸ்வரர் உள்ளிட்ட தேவர்கள் தமயந்தியை விரும்பினர். அவளின் சுயம்வரத்தில் அனைவரும் பங்கேற்றனர். எல்லாருமே நளனைப் போல் உருமாறி வந்தனர். நிஜ நளனும் வந்திருந்தான். புத்திசாலியான தமயந்தி உண்மையான நளனுக்கே மாலையிட்டாள். அவர்களுக்கு இந்திரசேனன், இந்திரசேனை என்ற குழந்தைகள் பிறந்தனர். தமயந்தியை பெற முடியாத தேவர்கள், சனீஸ்வரரிடம், நளனைப் பிடிக்கும்படி கூறினர். கடமை உணர்வு மிக்கவர்களை சனீஸ்வரர் ஏதும் செய்யமாட்டார். அதே நேரம், கடமையில் சிறுகுற்றம் இருந்தாலும் பொறுக்க மாட்டார். நளனோ நல்லாட்சி செய்தான். இப்படிப்பட்ட ஒருவனை அவரால் பிடிக்க முடியவில்லை. ஒருமுறை பூஜைக்கு தயாரான போது, சரியாகக் கால் கழுவவில்லை. “”இதைக் கூட சரியாக செய்யாத மன்னன் நாட்டை எப்படி ஆளமுடியும்?” என கருதிய சனி, அவனைப் பிடித்து விட்டார்.

இதன் பின், புட்கரன் என்பவனிடம் சூதாடி பொன், பொருளை இழந்தான். குடும்பத்துடன் நாட்டை விட்டு வெளியேறினான். காட்டில் மனைவி,குழந்தைகள் படும் துன்பத்தைக் கண்ட நளன், ஒரு அந்தணர் மூலம் குழந்தைகளை தன் மாமனார் வீட்டுக்கு அனுப்பினான். பின், மனைவியையும் பிரிந்தான். நடுக்காட்டில் தவித்த அவளை, ஒரு மலைப்பாம்பு சுற்றியது. ஒரு வேடன் அவளைக் காப்பாற்றினான். ஆனால், அவள் மீது ஆசை கொண்டு விரட்டினான். தப்பித்த அவள், சேதிநாட்டை அடைந்து பணிப்பெண்ணாக இருந்தாள். ஒரு வழியாக அவளை, தமயந்தியின் தந்தை கண்டுபிடித்து வீட்டிற்கு அழைத்துச் சென்றார்.

தமயந்தியை பிரிந்த நளன், காட்டில் கார்கோடன் என்னும் பாம்பு கடித்து கருப்பாக மாறினான். அப்பாம்பு ஒரு அற்புத ஆடையை வழங்கிச் சென்றது. அழகு இழந்த அவன், அயோத்தி மன்னன் மன்னன் ரிதுபன்னனின் தேரோட்டியாக வேலை செய்தான். அவன் அங்கிருப்பதை அறிந்த தமயந்தி, நளனை வரவழைக்க தனக்கு மறுசுயம்வரம் நடப்பதாக அறிவித்தாள். ரிதுபன்னன் அதற்கு புறப்படவே, நளனும் வருத்தத்துடன் தேரோட்டியாக உடன் வந்தான். அப்போது, நளனைப் பிடித்த சனி நீங்கியது. தேரோட்டியாக இருந்த நளனையும், தமயந்தி அடையாளம் கண்டாள்.

 நளன், கார்கோடன் அளித்த ஆடையை அணிந்து தன் அழகான சுயஉருவை மீண்டும் பெற்றான். திருநள்ளாறு என்னும் தலத்தை அடைந்தபோது, ஏழரைச்சனி நீங்கியது. சனீஸ்வரர் நளன் முன் தோன்றி, தன்னால் ஏற்பட்ட கஷ்டத்திற்குப் பரிகாரமாக வரம் தருவதாகக் கூறினார். “”சனீஸ்வரரே! நான் பட்ட கஷ்டம் யாருக்கும் நேரக்கூடாது. என் மனைவிபட்ட துன்பம் எந்தப் பெண்ணுக்கும் ஏற்படக் கூடாது. என் கதையை படிப்பவர்களை துன்புறுத்தக் கூடாது” என வரம் கேட்டான். சனிபகவானும் அருள் புரிந்தார்.

நளன் கதை படிப்பவர்களுக்கு சனியினால் ஏற்படும் பாதிப்புக்கள் வெகுவாக குறையும் என்பது ஐதீகம்.

நன்றி : தினமலர் 

ShareThis

Do Join hands to make a bright and better world

Your comments and queries can be addressed to editor@livingextra.com

Disclaimer & Privacy Policy

Some images contained in this blog have been obtained from the reference sites on the internet. If anyhow, by any of them is offensive to you, please, contact us asking for the removal. If you own copyrights over any of them and do not agree with it being shown here, please send us an email with ownership proof and we will remove it.email us to editor@livingextra.com