Articles related to Vedic science, Hindu religion, Mind relaxing, entertainment, Astrology in Tamil, horoscope in Tamil - தமிழில் ஜோதிடம் , ஜாதகக் கணிப்பு, ஆன்மீக வழி காட்டுதல்.

தைரியம் மனித லட்சணம்....!

| Apr 4, 2012
பதிவுகளில் ஒரு பெரிய இடைவெளி விழுந்ததற்கு வாசகர்கள் மன்னிக்கவும். வழக்கம்போல கொஞ்சம் வேலை அதிகம். மார்ச் க்ளோசிங். இனிமேல் இவ்வளவு பெரிய இடைவெளி விழாது என நம்புகிறேன்... முடிந்தவரை முயற்சிக்கிறேன். தொடர்ந்து மெயில் மூலம் அக்கறையுடன் விசாரித்த நண்பர்களுக்கு மனமார்ந்த நன்றி... தொடர்ந்து உங்கள் ஆதரவை, கருத்துக்களை பதிவு செய்யவும். 

சில நாட்களுக்கு முன்பு, நமது இணைய தளத்தில் வெளியான "  இதோ வானம் தொட்டு விடும் தூரம்தான்" கட்டுரையின் நாயகன் திரு. இளங்கோவை , நீங்கள் மறந்து இருக்க மாட்டீர்கள் என நினைக்கிறேன்.

அவரைப் பற்றி கேள்விப் பட்டவுடனே, அவரைப் பற்றி இன்னும் கொஞ்சம் அறிந்து கொள்ள ஆவல் இருந்து இருக்கும். எனது நெருங்கிய நண்பர் ஒருவர் , இன்னும் ஒரு படி மேலே சென்று - அவரைப் பிரத்தியேகமாக பேட்டியே எடுத்து வந்து விட்டார். 

மதிப்பிற்குரிய என் நண்பர் திரு. சுந்தர் அவர்கள் - அந்த பேட்டியை - தனது இணைய தளத்தில் தொடர் பதிவுகளாக - கட்டுரை எழுதிக்கொண்டு இருக்கிறார். நமது வாசக அன்பர்கள் அவசியம் இந்த பதிவுகளை வாசித்துப் பாருங்கள்..... இந்த தளம் : திரு. ரஜினிகாந்த் அவர்கள் பற்றிய அபூர்வமான பதிவுகள் கொண்டு இருந்தாலும், எக்கச் சக்கமான ஆன்மீக கட்டுரைகளையும், தன்னம்பிக்கை கட்டுரைகளையும்  தன்னுள் வைத்து இருக்கும் சுரங்கம்...

எந்தவிதமான வர்த்தக நோக்கமும் இன்றி, சமுதாயத்துக்கு நல்ல கருத்துக்களை சொல்வதில் ஈடுபட -  அதற்காக நேரம் ஒதுக்கிட பெரிய மனது வேண்டும். அந்த வகையில் , பல அரிய மனிதர்களை பேட்டி கண்டு  கட்டுரைகளை வெளியிடும் அந்த நண்பருக்கு : நம் வாசகர்கள் சார்பாக ஒரு ராயல் சல்யூட். விரைவில் இன்னொரு VVIP யோட பேட்டி வர இருக்கிறது. VVIP என்பதைவிட, யாராலும் வெறுக்க முடியாத ஒரு அற்புத மனிதன், கலைஞனின் பேட்டி. அவரை விட நான் ஆவலாக இருக்கிறேன். அவரது முயற்சிகள் மென்மேலும் வெற்றி பெற, வாழ்வில் உயர்ந்த இலக்கை விரைவில் அடைய இறை அனுகூலம் தொடர்ந்து கிடைக்கட்டும். 

இதைப் போன்ற அருமையான இணைய தளங்களை வரவேற்போம்.. அவரது முயற்சிகளை ஊக்குவிப்போம்...!
ரேமாண்ட்   :  தி கம்ப்ளீட் மேன் - கணீர் குரலுக்கு சொந்தக்காரர் . திரு. இளங்கோ அவர்களின் அனுபவம், கடந்து வந்த பாதை, வெற்றி பெற சில டிப்ஸ் என்று அவரது பிரத்தியேகமான பேட்டியை படிக்க இங்கே சொடுக்கவும் :

 “வாழ்க்கையே வெறுப்பாயிருக்கு… வாழவே பிடிக்கலைன்னு சதா புலம்பிகிட்டே இருப்பவரா நீங்க?” ஒரு நிஜ ஹீரோவின் கதையை கேளுங்கள்! Part 1

நெஞ்சே உன்னாசை என்ன… நீ நினைத்தால் ஆகாததென்ன…?” — சாதனைச் சிகரத்துடன் ஒரு சந்திப்பு! Part 2


 ============================================================

இன்றைக்கு பிரதோஷம்..... பங்குனி மாதம் - பூரம் நட்சத்திரத்தில் வருகிறது. பூரம் சுக்கிரனுக்குரிய நட்சத்திரம். சுக்கிரன் நவக் கிரகங்களில் களத்திரகாரகன் எனப்படுபவர். களத்திரம்னா புரியலை...ங்கிறீங்களா..? கல்யாணம் , நல்ல நட்பு இதையெல்லாம் குறிப்பிடும் ஏழாம் வீடு - களத்திர ஸ்தானம் எனப்படுகிறது.
திருமணத்தை எதிர் நோக்கி இருக்கும் அன்பர்கள் , கூட்டுத் தொழிலில் இருப்பவர்கள்- இந்த பிரதோஷ நேர வழிபாட்டை தவறாது பயன் படுத்திக்கொள்ளவும்......

நம்பிய நண்பர்களால் ( ஆணோ / பெண்ணோ )  ஏமாற்றப் பட்டவர்கள் -  கணவனால் / மனைவியால் வஞ்சிக்கப்பட்டவர்கள் - சுக்கிர பலம் குறைந்து இருப்பதாக வைத்துக் கொள்ளலாம். அவர்கள் சுக்கிரனின் நட்சத்திரம் வரும் நாட்களில் - ( பரணி, பூரம் , பூராடம் ) - விரதமிருந்து - மகா லக்ஷ்மி சமேதராக இருக்கும் பெருமாளை வணங்கி வர, ஜாதக ரீதியாக உள்ள தோஷம் நீங்கப் பெறும்.

எவர் ஒருவருக்கு சுக்கிர தசை நடக்கிறதோ - அவர்கள் மேற்கூறிய நட்சத்திரம் வரும் நாட்களில் - ஸ்ரீரங்கம் சென்று - சுக்கிர ஹோரையில் , பரந்தாமனை தரிசித்திட - அவருக்கு சகல ஐஸ்வர்யங்களும் நிச்சயம் கிடைக்கும்... வாழ்க்கையில் பல மடங்கு முன்னேற்றம் கிடைக்கும். 

இறைவனின் சிருஷ்டியில் எல்லா நாட்களும் நல்ல நாட்களே..... மேற்கூறிய நாட்களை பயன்படுத்த முடியவில்லை எனினும், வருந்த வேண்டியதில்லை. அவன் தாள் பணிய, நாள் நேரம்  பார்க்க வேண்டியதில்லை. எந்நாளும் பொன்னாளே  ..! 
=====================================================================

மனிதன் என்று இல்லை, எந்த ஒரு உயிரினமும் மதிக்கப் படுவது, அதன் தைரியத்துக்குத்தான்.  நல்ல படிப்பு, திரண்ட செல்வம் இருந்தும் - ஒருவன் கோழையாக இருந்தால் , என்ன பிரயோஜனம்?  நமக்கு எதுக்கு வம்பு என்று ஒதுங்கி, ஒதுங்கி - வீரம் என்பது - சினிமா படத்தில் வரும் ஒரு மிகைப் படுத்தப்பட்ட ஒரு குணம் என்கிற அளவில் மட்டுமே நமக்குத் தெரிந்து இருக்கிறது.

வெறுமனே வாயால் தோரணம் கட்டி - உதார் விடுவது மட்டும் வீரம் இல்லை. நெஞ்சு முழுக்க உரமிடப்பட்ட வீரம் இருக்க வேண்டும். அன்னையின் தாய்ப்பால் - அப்படிப்பட்ட உரம் என நினைத்து இடப்பட்ட அமுது தான். ஒரு கோழையை - பெற்ற தாய் கூட விரும்ப மாட்டாள். அநியாயம் நடந்தால் எனக்கென்ன என்று இருப்பவர்களை கடவுளும் கூட விரும்ப மாட்டார் என்று தான் எனக்கு தோன்றுகிறது.

நான் சின்ன வயதாக இருந்தபோது - என் தந்தை எனக்கு கூறிய சம்பவம் ஒன்று ஞாபகத்திற்கு வருகிறது...... 

முப்பது வருடம் முன்பு  - பம்பாயில் ஒரு இளம் தம்பதி , இரவு சினிமா பார்த்து வந்து கொண்டு இருந்த போது , நான்கு பேர் கொண்ட ஒரு ரவுடி கும்பல் வழி மறித்து இருக்கிறது. ஒவ்வொருவரும் தடியர்கள். கையில் ஆயுதம் வேறு.
இருவரும் கதறி அழுத வண்ணம் கெஞ்ச, அவர்கள் மனது இளகவே இல்லை. 

அந்தப் பெண் கொஞ்சம் அழகாய் வேறு இருந்து தொலைய  , அதுவே வினையாய் முடிந்து இருக்கிறது.  

ஒரு சின்ன கீறல் கூட விழாது. காலையில் அனுப்பி வைக்கிறோம்.  உயிர் மேல் ஆசை இருந்தால் ஓடிவிடு என்று மிரட்ட - கணவனுக்கு ஒன்றும் நேர்ந்து விடக்கூடாது என்று அந்த பெண்ணும் , தன் கணவனை அங்கு இருந்து செல்லும்படி கூறி இருக்கிறாள்....

அழுது, அழுது கெஞ்சிய கணவனை அவர்கள் விரட்டி அடித்து அனுப்பி விட்டார்கள். காலையில் கதவைத் தட்டிய மனைவி -  கணவன் முகத்தில் கூட விழிக்காமல் ,  நீங்கள் வேலைக்குச் செல்லுங்கள் . நான் தூங்கச் செல்கிறேன் என்று கூறி கதவைத் தாளிட்டவள் - தூக்கில் தொங்கி தன் கதையை முடித்துக் கொண்டாளாம்.  

இந்த காலத்தில் இதைப் படிக்கும்போது -  சிலருக்கு இது எதோ ஒரு சாதாரண விஷயமாகக் கூட தோன்றக்கூடும். இப்போது இருக்கும் IT கம்பெனி கலாச்சாரத்தில் - இது ஒரு விஷயமே இல்லை என்று கூட தோன்றலாம். 

நான் சொல்ல வரும் விஷயமே வேறு. இடைஞ்சல்கள், எதிர்ப்புகள் ஒரு மனிதனுக்கு எந்த சூழலிலும் வரலாம். தைரியம் ரொம்ப முக்கியம். அந்த மனிதன் போராடி உயிரை விட்டு இருந்தாலும் , இல்லை அவர்களை பந்தாடி வந்து இருந்தாலும் - அது சினிமாட்டிக்காக தோன்றலாம். ஆனால், நடைமுறையில் ? 

அந்த சூழ்நிலை எந்த மனிதனுக்கும் ஏற்படலாம். நாட்டில் ரவுடிகளுக்கா பஞ்சம். உயிர் பயம் இருப்பவர்கள் - கடைசியில் உயிர் தான் போகும் என்று நம்புபவர்கள் எதிர்ப்பு காட்டுவது போல் காட்டி, (அவர் மனைவி நம்பி விடுவாராம்) , அங்கு இருந்து ஓடி விடுவார்கள். அப்படி பிழைத்து எதை சாதிக்கப் போகிறான் என்று தெரியவில்லை.

ஒருவேளை அதன் பிறகு, புஜ பல பராக்கிரமனாகி - ஒவ்வொருவராக தேடி, கொடூரமான முறையில் - அவர்களை பழி வாங்குவானோ? இல்லை , காலப் போக்கில் - இதுவும் கடந்து போம் என்று - மெல்ல மெல்ல மறந்து , இன்னொரு கல்யாணம் பண்ணிக்கொள்வானோ? இல்லை காலையில் வந்த மனைவியை, மடியில் வைத்து - ஆறுதல் சொல்லி , கண்ணீர் விட்டு தன் இயலாமையை சொல்வானோ தெரியவில்லை...! 

இதைப் பற்றி பல முறை யோசித்து இருக்கிறேன்...! கிட்டத் தட்ட - ஒரு பெரிய நாவல் எழுதும் அளவுக்கு , ஒரு திரைப்படம் எடுக்கும் அளவுக்கு....

சாயந்திரம் ஆனால் - வாரக் கடைசி ஆனால் - கூட்டம் கூட்டமாக பார்களில் மொய்த்துக் கொண்டு - பர்கர் , பீஸா என்று சாப்பிட்டுக்கொண்டு , முப்பதுகளின் முடிவில் - நெஞ்சு வலி, சுகர் என்று அலையும் என் சக நண்பர்கள் , இதைப் போன்ற ஒரு சூழலை எப்படி அணுகுவார்கள் என்று தெரியவில்லை.... எல்லாம் முடிந்ததும், ஒரு புல் பாட்டிலை உள்ளுக்குள் கவிழ்த்துவிட்டு , வேஷ்டி  /  ஷார்ட்ஸ் புழுதியில் கிடக்க , தன் வேதனையை வெளிப்படுத்துவாரோ..? இல்லை மறக்க முயல்வரோ..?

இந்த சூழலை எப்படி அணுகலாம்? 
ஹா ஹா.. கேள்வி வேறா? ஒரே ஒரு வழி தான் இருக்கிறது. முட்டி மோது... வீழ்த்து... அல்லது மோதி மோதியே .... செத்து மடி....

முட்டி மோதுவது மடத்தனமே எனினும் - ஜெயிக்க முடியாத அந்த திறமைக்காக - செத்து மடிவதே மேல். இத்தனை வருடம் கஷ்டப்பட்டு (?) வளர்ந்த அந்த வாழ்க்கை , அந்த ஒரு நொடியில் முடிந்து போவதாக இருந்தாலும் கவலை இல்லை.... செத்துப் போவது எவ்வளவோ நல்லது..

இல்லை - ஜெயிக்க ஆசைப் படுகிறீர்களா? உடலை அக்கறையுடன் கவனிக்கப் பழக வேண்டும். நல்ல உணவு, ஆரோக்கியம் , உடற் பயிற்சி - கராத்தே , சிலம்பம் என்று கற்பவர்கள் என்ன மடையர்களா? நாமும் கற்றுக் கொள்வதில் என்ன தவறு இருக்கிறது? இதில் கற்றுத் தெளிவதால் ஒருவரது தன்னம்பிக்கை பன் மடங்கு அதிகரிக்கவும் செய்யும்.

இதையெல்லாம் கற்றுக் கொள்ளாது இருந்து - நாம் எதையோ சாதித்து - பூனைப் படை காவலுடனா இருக்கிறோம்? இல்லை அந்த காவல் வைத்து இருப்பவர்கள் தான் மனிதர்களா? அவர்கள் உயிர் மட்டும் போற்றிப் பாது காக்க வேண்டிய ஒன்றா? நம் உயிர் மதிப்பிலாத ஒன்றோ?

ஆம் ... தன் உடல் நலம் மேல் அக்கறை இல்லாதவன்,  தைரியம் இல்லாதவன் , வீரத்தை வளர்த்துக் கொள்ளாதவன் உயிரை - கடவுள் கூட உயிர் என்று மதிப்பதில்லை. சவரம் பண்ணுவது போல மழித்துவிட்டு , கவலைப் படாமல் சந்தோசமாக இருப்பார்.... என்று தான் எனக்குத் தோன்றுகிறது. 

அடி வாங்கி , புழு போல நெளிவதற்க்குப் பதிலாக - புழுவாகப் பிறந்து விடுவதே மேல் அல்லவா...?

நேரம் இல்லை பாஸ்.... ரொம்ப எழுதனும்னு நினைக்கிறேன்... அடுத்த கட்டுரைகளில் பார்க்கலாம்....!
இன்னொரு பழைய சம்பவம் ஒன்றைப் பார்ப்போம்...!
______________________________________________________

 நமது முன்னாள் பிரதமர் வாஜ்பாய் அவர்கள் தமிழ் நாடு வந்திருந்தபோது, யாரோ ஒரு அம்மாக் கிட்ட ஆசீர்வாதம் வாங்கினதா, அரசல்  புரசலா கேள்விப் பட்ட ஞாபகம் இருக்கும்னு நினைக்கிறேன்.... 

அன்றாடம் கூலி வேலையும், விவசாயமும் செய்து கொண்டிருந்த சின்னபிள்ளை, சரியான கூலி தராமல் ஏமாற்றும் பண்ணை முதலாளிகளை தட்டி கேட்கலானார். அவருடைய தைரியத்தின் மூலம் அவருக்கு சரியான கூலி தரப்பட்டது. ஆகவே இவரின் கூட இருந்தால், நமக்கும் சரியான கூலி கிடைக்கும் என்று பல பெண்கள் அவருடன் இணைந்தனர், இவ்வாறு அவர்களுக்கெல்லாம் சிறு தலைவியாக விளங்கினார்.

 பின்பு "Dhan Foundation" எனும் சேவை அமைப்பின் மூலம் உருவான "களஞ்சியம்" எனும் அமைப்பில் 1989 ஆம் ஆண்டு சாதாரண உறுப்பினராக சேர்ந்து, இன்று அதனுடைய முக்கிய செயலராக விளங்கி கொண்டிருக்கிறார்.

 "களஞ்சியம்" என்பது சிறுசேமிப்பை வலியுறுத்தும் ஒரு சேவை அமைப்பு. அன்றாடம் கூலி வேலை செய்யும் பெண்களிடையே சேமிப்பின் மேன்மையை வலியுறுத்தி "களஞ்சியத்தை" விரிவுபடுத்தியவர்.இதனால் பலனடைந்த குடும்பங்கள் பல.

 "The Hindu" பத்திரிக்கைக்கு அவர் அளித்த பேட்டியில் "ஆரம்பத்தில் பத்து பேரிடம் இருந்து தலா இருபது ரூபாய் பெறப்பட்டு, இப்பொழுது, இந்தியா முழுவதும் சுமார் நான்கு லட்சம் உறுப்பினர்களை கொண்டுள்ளது களஞ்சியம். மொத்த சேமிப்பு தொகை நூறு கோடியை எட்டி இருக்கிறது" என்றார். 

இவருடைய சேவையை பாராட்டி இந்திய அரசு "ஸ்திரீ சக்தி" விருதும் தமிழக அரசு "பொற்கிழி விருதும்" வழங்கி கவுரவித்தது. பிரதமரிடம் (வாஜ்பாய்) விருது வாங்கும் பொழுது, இந்தியப்பிரதமரே அவர் காலில் விழுந்து ஆசி வாங்கிய பெருமை சின்னப்பிள்ளை அம்மாள் அவர்களையே சாரும்.

=====================================================


ஒரு சாதாரண பாட்டியே - இவ்வளவு சாதிக்கிறப்போ ,  சமுதாயத்துக்கு நல்லது செய்ய முடியிறப்போ - நாம , எவ்வளவு பெரிய ஆளுங்க.. படிச்சவங்க, திறமை உள்ளவங்க.  சாதிக்க முடியாதா என்ன? 


சிந்தியுங்கள் பாஸ்...!   நிச்சயம் சாதிப்போம் ஒரு நாள்..!

6 comments:

harikrishnan said...

Hi Rishi,

A good work will be definitely appreciated by god. Dhan foundation efforts are not for creating results but good cause created a great result. Once again cause and thought are very important to make a change. I want to say that karate or practice does not make a person to fight but good mental strength should be cultivated and it has to become a in-built habit. When a person who is teased with morals and obey morals will fight and he will be ready to lose his physical strength with dignity.

Simple Sundar said...

எம் தளத்தை பற்றி இங்கு கூறியமைக்கும் நான் அளித்த பதிவுகளின் லின்க்கை அளித்தமைக்கும் நண்பர் ரிஷி அவர்களுக்கு 'கோடி' நன்றிகள்.

நான் துவண்டு கிடக்கும் தருணத்திலெல்லாம் இந்த தளமும் அவர் அளித்த பதிவுகளும் எனக்குள் புது வெள்ளத்தை பாய்ச்சி என்னை உற்சாகபடுத்தியதை மறக்க முடியாது. வாழ்க அவர் தொண்டு. வளர்க இந்த தளம் மேன்மேலும்.

இந்த தளமும் நண்பர் ரிஷி அவர்களின் நட்பும் எம் வாழ்க்கையில் மிகப் பெரிய திருப்பு முனையாகும்.

அரியவற்று ளெல்லாம் அரிதே பெரியாரைப்
பேணித் தமராக் கொளல்.(குறள் 443)

எல்லாரும் எல்லாம் பெற்று வளமுடன் வாழ இறைவனை வேண்டுகிறேன்.

- Simple Sundar
OnlySuperstar.com

திண்டுக்கல் தனபாலன் said...

சிறப்பான பதிவு ! நன்றி நண்பரே !

anna said...

rishi! this s the outstanding article for me! u r gem of persons!

antonyarun said...

Dear sir,

Thanks for your article. You told this article to fight or die.
If i learn Karate black belt what is the use in front of the
weapons.
What happen Brother Udaya kumar fight against Koodankulam atomic project. Full government against him.
In some places we can not able to fight you told that place go to die .
Thanks

Antony

rajee said...

i am the fan of living extra.com
very good articles

ShareThis

Do Join hands to make a bright and better world

Your comments and queries can be addressed to editor@livingextra.com

Disclaimer & Privacy Policy

Some images contained in this blog have been obtained from the reference sites on the internet. If anyhow, by any of them is offensive to you, please, contact us asking for the removal. If you own copyrights over any of them and do not agree with it being shown here, please send us an email with ownership proof and we will remove it.email us to editor@livingextra.com